يوم أنا من جد محتاجك وأبيكـ
وقلت له: وش فيك صديت وجفيتـ؟!
وليه بعت اللي بعمره يشتريكـ؟!
وليه غبت؟ وين رحت؟ وين جيتـ؟
وكيف تنسى من بحبه يرتجيكـ؟!!
هي غصيبة؟ أو ظروفك؟ أو نسيتـ؟
ما اعتقد تنسى وعد الأيام ذيكـ!
تدري اني للأوادم ما اشتكيتـ؟
وان صدري صار للعبره شريكـ؟
وتدري اني مت؟ ولا ما دريتـ؟
لعنبوك أرحب محب مات فيكـ!
وتدري أني كل ما نمت وصحيتـ!
شفتك بجفني وعيني تحتريكـ؟
في غيابك صار كيت وصار كيتـ...
وجعل ما جاء في خفوقي ما يجيكـ...
أشهد اني في محبتك ابتليتـ...
حظ من تغليه! حظ امك وأبيكـ،،،
هلت دموعي وكلمني! رضيتـ...!
يوم سالت دمعتي منك عليكـ!
قلت: بدري! قال: صدري ما قويتـ!
قلت: من هو؟ قال: خلك ،، واستحيتـ!
وصد واخر قولته: الله يهديكـ..!
ما حكيت ورحت أردد شطر بيتـ:
يا شبيه صويحبي حسبي عليكـ !