السلام عليكم

انا بنت عمري 15 سنة عندي 6 اخوان 4 بنات وثنين ذكور
انا ترتيبي بالعائلة وسط
انا اهلي قاسين معي جدا بحيث يضلون يضحكون على كلشي اعملة على شغلي على دراستي مع اني متفوقة بدراستي
امي دائما تضبرني بالخيزرانة على اتفه الاشياء واخوي علي الكبير يضربني على اشياء تافهة
ابوي ما يضربني لكن ما يقول لامي واخوي لا تضربونهة
خواتي كبيرات ومنزوجات لكن اكبر وحدة تطلكت من زوجهة لان بينهم مشاكل
واختي المطلكة اجت عاشت معانا انا فرحت قلت واخيرا بيجي احد يفهمني يحس فيني
لكن لما اجت اختي صار الهم ثنين صارت اختي تطلع مع رفيجاتها الصبح ما تجي الا العصر وانا البيت والتنضيف والغسل والطبخ عليه واخوي الكبير اذا لقاني جالسة ادرس بيجي عليه يضربني ويقول الدراسة ما تفيد كومي اشتغلي ويطنز عليه ويقول انتي وجه بنت انتي انت حشاكم ( بقرة) احلى منك والله يجرحني هالكلام ويضربوني جدام رفيجاتي ويفشلوني
وحتى موبايل مثل البنات ما عندي بس خواتي واخواني كلهمعندهم موبايلات ولابتوبات واختي صغيرة عمرهة 11 سنة عندهة موبايل ولابتوب وايباد انا الحين رفيجتي اجت عندي وهي مسجلة هنا وقالتلي على هذا المنتدى وفتحت من عندها جزاها الخير
وانا والله صبرت على كل هذا الظلم فوق كل هذا يبون يزوجوني ابن عمي عمرة 27 سنة وانا عمري 15
انا ابي اكمل دراستي ما ابي اتزوج واحد اكبر مني ب13 سنة
ساعدوني شبسوي انطوني حل يجزاكم الخير