لباب النسيان تعنيت
دقيت الباب
و صدى صوت بعيد من ورا الف باب جاني
قال : وين الهوية ؟
احترت في اسمي و صوتي و شكلي
و ما عندي اثبات
كل اوراقي غدت رماد
قلت : انا منسية
قال : ما نفتح الباب الا بهوية و براهين و بصمة من الزمان على وجهك
حيرني اكثر
ايش اقول و انا ضيعت وجهي و قصتي و صوتي راح ماله صدى
قلت : مقدر اقول اسمي و لا اذكر رسم وجهي و ما بقى لي احد يشهد اني انا الا انا و ربي و برهاني حكاية انتهت مني و فيها احترقت كل اوراقي و اختفت فيها ملامح وجهي و ما بقى لي حتى صوت يذكرني احد به
قال : للأسف يا سيدتي الابواب لا تفتح الا بذاكرة كاملة و اختبار مافيه اختيارات ان تجاوزت الباب الاول تنفتح لك الابواب باب بعد باب و نضمن لك تخرجين من آخر باب بذاكرة بيضاء و روح لا تبالي حاولي جمع ذاكرتك و عودي الينا لاحقا
قلت : امري لله بفتش في الرماد عني احتمال الاقي خيط يوصلني لاول المتاهة و يردني لاصل القصة كيف و وين و ليه و متى برجع لك يا باب