ما المزعج عندما نعبر عن حزننا
المزعج هو تدخل من هم حولنا من باب الاهتمام
بالله لاحد يهتم بلاها
خلوني اعبر براحتي عن حزني
ما احب الكبت
لاني اذا انفجرت انهرت

اوقات اذا بين عليك الحزن من باب علامه بسيطه يمكن اتحت لملامحك مجال تعبر عنك
موب رايق للاخرين
يجون يقولون لك استغفر الله سبح قم صل ركعتين اقراء قرآن
تعذبل من بليس

قل هو الله احد
اللحين انا ما اذكر الله الا يوم انتم تذكروني
عاصيه في الارض طول وعرض
اتقو الله الحزن مايزوركم مترصد لي انا يعني ولا كيف
لا لا جد انا ناسيه الله شكلي وانتم لازم تذكروني فيه
علاقتي بربي الحمد لله لحد يذكرني بها
اهتمو انتم بصلاتكم وعبادتكم
مو كل حزن تقصير بالطاعه قصر الله اعماركم

انا احزن ع اشياء بسيطه اتفاعل معها
عاد كيفي خلوني احزن اباااااااااو حرام اخلي الحزن مهجور ولا اطبه
انكسر ظفري راح اقرط اظافري كلهم بسببه
لازم احزن شويه عليه واسوي توديع له ولو مداني سويت له بارتي حطيت له مناكير
وقرطه كيفي ظفري حبيبي واحزن عليه

اختبرت ونقصة درجه بكيت عليها غشتني ي جماعه
ما ابكي يعني ادقها ضحكه
تجي تقولك اعمال دنيا اهتمي باعمال الاخره
قل هو الله احد
صاحيه انتي اتكفن وانسدح بغرفتي اهجر العالم ولا امسك غير قرآني
وكتب الدين ان الله احياني وانسا العالم

عش لدنياك كأنك تعيش ابدا وعيش لاخرتك كأنك تموت غدا
الدنيا تبغا اعمال لجل اعيش فيها وتبغى كفاح وجهاد الحياه للاقوى
والاخره كذلك
ماعندكم حل وسط يعني

اما ذولا فئه غريبه وبقوه لايعجبهم العجب ولا الصوم في رجب
امعصي اطيعكم
والله الا احزن وافرح وبكيفي واعبر عن نفسي مثل ما ابي

معي واحده من صحباتي هاكا مسكينه والله احزن عليها
اذا شفتها دايم اسوي فيس حزين وانا سالي اللي مكروفه
وحزينه ومظلومه ماحصلت الهنا بها الدنيا
ومن تشوفني كذا تبدا تنصحني باسلوبها انفجر ضحك
يوووووه لو تشوفونها تموتو ضحك يا انها مره عضتني بيدي من قهر
ليه دايم تمشي عليها كذباتي وتتفشل قدام البقيه عاد كلنا صحبات مابينا شيء يفشل تأقلمي ي روح امك
انا مممثله بااااارعه ان اردت التمثيل
يعني اعيش الدور بس تفضحني ضحكتي لمن احس غيري يتأثر مقدر اكمل للنهايه بتمثيلي
لكن مع التعود باذن الله اني اضبط لو مره دور حتا النهايه

صحباتي كوكتيل باطباعهم وصفاتهم والله احبهم كلهم دنيتي زينه بهم الله لتيحرمني منهم
هذه اللي دايم اذا شافت احد حزين تنصحه كذا اذا شفتها حزينه
اقولها استغفري الله انتي لك كم يوم ما استغفرتي
ي انها تنقهر بشكل مو طبيعي يختي ارد لك طبعك ماتحبي اسلوبك كيف
مع ان ما احب اتتريق كذا الله يسامحني بس اذوقها اسلوبها
مره قالت طفشانه فلت عليها نصائح دينيه حتا زعلت
المهم انا بطلت اعيد لها كاسها لان هي هم بعد هونت عن اطباعها

ايه عادي الحزن احساس موجود ليس من عدم وانما لتعقبه فرحه
تجعلنا نميز بينه وبينها
فعادي انا احب احزن ع اشياء بسيطه واحب اظهرها
اما الاشياء الكبيره تخليني اختفي
لين احلها وتنحل عني احساسها
احساسها خاص غير قابل للمشاركه ما ابينه لاي مخلوق ابد
اما الاحزان البسيطه احب فيها المشاركه

سبحانك اللهم وبحمدك اشهد ان لا اله الا انت استغفرك واتوب اليك