تافه هذا أقل منظور عندي لمن اجلس مع هالنوعية صراحه وتقول جالس ع كبدي صراحه ، اكره نوعية الي يبي كل شيء وكل ماشاف شي طار معه ، وكل ماشاف فلان علنتان مسوي شي راح يقلده ، وش هالضعافه سلامات مانتب ماخذ كل الي بالدنيا ولانت محروم منها كلها ، بالنهايه الي لك بيجيك !
وذكر الله وقول ماشاء الله قبل وقوع الشي مو اجيب العيد بالناس بعدين اذكر الله ، يعني الواحد لاشاف شي يقول ماشاء الله هذا بصراحه خرافي او اللي يبي !
وبعدين حنا ناس بطرنا كل واحد جوالين ثلاث ويشوف جوال رابع عجبه ومع انه مايحتاجه ابدا تطيح يحسد هذاك على جواله الوحيد يقدر يشريه بس ماله مكان فيقعد يشغل نفسه والمسلم معه !
البطره الزايده مو زينه تجلد الحسد والضغينه في المجتمع ، حنا لازم نقتنع بالي بيدينا قبل ماتزول انعام ربي ومو بحاجه حنا يختبرنا ربي اختبار بسيط في شكرنا وكفرنا بالانعام الي عندنا لمن يحرمنا ، احيان الاختبار انه يرخيلنا كل شي وفجاه يزول ومايبقى ولاشي !
اذكرو الله واشكروه ، والي بيدك لك والي بيد فلان له ، والله يستر علينا وعلى المسلمين اجمعين من الحسد والبغض ووصاخة الدنيا هذي كلها
الف شكر لك اختي ، تكلمت بالجانب الي ودي اتكلم عنه مدري اذا للنوضوع جوانب اخرى اعتذر عن التقصير