سلام عليكم ورحمة الله وبركاته




اتمنى تساعدوني بمشكلتي


انا تعرفت على وحده عن طريق إحدى برامج التواصل قبل سنه اول يوم دارت بيننا محادثه عاديه ثم قالت لي ان ابوهو له اسبوع

متوفي وقامت تشكي لي فأنا واسيتها وهديتها بعدها صارت تكلمني وكل كلامها عن ابوها وتصور لي اغراض ابوها عندها بالغرفه

لدرجة انها صورة شهادة الوفاة، المهم انا وقتها حسيت بشيئ من المسؤلية اتجاها، قلت اجاريها بالسواليف ومع الايام البنت فتحت قلبها وكانت تجيب طاري الزواج وانا ما اهتميت للموضوع لأن شايل فكرة الزواج لظروفي، وفي نفس الوقت قلت والله حرام هالبنت تطيح بيد واحد مايخاف الله فصرت دايم معها واكلمها بعد اول شهر اختلفت الاوضاع تعلقت فيها وبديت ما ارتاح اذا ما كلمتها بعدها صارحتها وقلت اني احبها وهي بعد قالت انها ارتاحت لي وحبتني

صرت اشوفها عن طريق الجوال اعجبتني واعجبتها وعلاقتي بها صارت قوويه يوميا اكلمها كل صبح تصبحني وتدعي

اني اكون من نصيبها، شرحت لها كل ظروفي وقبلت فيها

وقلت لها اني عايش مع امي واني انا اللي اصرف عليها وانه مالها احد غيري وقبلت بالوضع

انا كنت اول شايل فكرة الزواج من راسي لان مافيه وحده بتقبل بوضعي وانا كل همي بالدنيا امي

مابي اتزوج واجيب وحده تكدر خاطرها وتضايقها، والبنت اللي حبيتها قابله بوضعي


طبعاً ابوي عايش لكن منفصل عن امي


والبنت ابي اتزوجها لكن ما حصلت طريقه اتقدم لأهلها، البنت ساكنه في الدمام وانا ساكن بالرياض

ولا فيه اي شي يربطنا ببعض غير حبنا انا ودي اخطبها ولا ابي احد يدري بعلاقتنا على الجوال

وهي طلبت بعد مني الشي هذا، مافيه احد اقدر افاتحه بالموضوع حتى امي

ولوفرضنا اقنعت ابوي وامي انهم يروحون يخطبونها بيقولون اهلها كيف عرفتونا


وراح تكثر الاسئله والشكوك


طبعاً انا مقتنع في البنت ولا تفرق معي اني تعرفت عليها بالجوال انا راضي بها

الموضوع جدي وليس اثارة الردود


فأتمنى الله يسعدكم تساعدوني


واعتذر عن الاطاله