انا حزين وحزني اسبابه اسباب
لا هوب من سجني ولا قيد ايديني
حزين من اللي كل ماصكوا الباب
امسي على رجواه بكره يجيني
وأصبح على رجواه لاخاطري طاب
ولا افرحت به من وراء الشبك عيني
الصاحب اللي غير عن كل الأصحاب
كنه شقيقٍ لي من الوالديني
لو خاب ظني فيه باقول ماخاب
طيبه يبين وغلطته ماتبيني
أقفى وخلاني من الضرس للناب
وأنا ما اخبر ان صار بينه وبيني
إلا الغلا والود ومصاف الألباب
وعشرة وفا ماغيرتها السنيني