أنا أنسان احب الصور الشعرية ، يعني لدرجة قصيده او حتى اغنية مابكلمتها تصوير ماسمعها او ع الاقل اغلبها ، مدري عندي قناعه ان التشبيه والتصوير ورفع سقف الخيال هو ابداع شاعر واحساس خرافي ، مدري ماني شاعر ممكن اخوانا واخواتنا الي يكتبون اكثر عرف مني بهالموضوع !
عموماً كمثال بعطيكم كلمات للفنان مزعل رغم اني ماسمعله ، لكن حسيت انها اكثر قصيدة شفت فيها الي انا ابيه واحبه ، ومنها تعرفون وش جالس احوس وادوس عشان اقوله :
ويلاه من عين بكت بأخر الليل .. يوم الفجر لاح تبين ظهوره
حزني خاطر مامضالي من الويل .. والحرف اشوفه باكي في سطوره
في داخلي انسان يرسم تماثيل .. وفي دمعتي شاعر ينادي شعوره
في ونتي جمره تولع قناديل .. في خطوتي درب عني عبوره
اشكي زمان خصني بالتاهاويل .. وابكي حبيب دون وصله خطوره
بحر الهوى ياكم غرق به رجاجيل .. وكمن شباب مات وطول زهوره
قضيت عمري بالهوى دون تحصيل .. كله سبب خل اسرني بنوره
لالي دوا ينفع ولابتساهيل .. والقبر اشوف اني قريب بزوره
عموماً بعيد عن كآبة الابيات ، الي يخبرلنا ابيات فيها ابداع كذا تصوير وتشبيه ووصف وخيال وابداع عالي ، لا يبخل علينا لو يعطينا بيت وحنا ندورها