اول شيء الله يهديك ي أختي
انا عارفة انك كنتي مجبورة ي أختي الغالية
لكن الآن الأمر صار بيدك ..
اما الإستمرار مع زوجك وترك سوالف فلان يحبني وتكونين وفيّة لزوجك وبيتك
او انك تطلبين الطلاق
صارحي زوجك بمسألة انك ماتشعرين اتجاهه ب اي مشاعر
واستري على نفسك ي أختي
ماله داعي توصلين الكلام لزوجك انك تحبين واحد ومدري ايش
لأنه لو لاقدر الله يمكن الكلام يوصل لأهلك ويطولك كلام يوجعك !!
ولا بتكونين صغيرة بعين زوجك ولا راح تقدرين تستعيدين الثقة !!!!

وفيه شيء أحب أنبهك عليه
انتبهي ي أختي من فلان يحبني وعلان يسأل عني وهالسوالف وخاصة بمواقع التواصل
وبعدين ي أختي الرجال تزوج وعنده زوجة وبنت برضوا تفكرين فيه ؟!
يعني انتي بها الطريقة تهدمين بيتك وبيت الناس !!

اجلسي مع نفسك ي الغالية
شوفي الشيء اللي يكون بمصلحتك وراح يسعدك
هل الشيء اللي بتسوينه راح يفيدك ؟
وكوني امرأة ذكية
اتركي العواطف وحكمي عقلك
وخلي عندك بعد نظر للأيام الجاية
كوّني نفسك وادرسي وتثقفي وتعلمي شيء جديد
والله أفضل من اشياء كثيرة
وافضل من عواطف قد تجرفك لمكان يصعب انك تخرجين منه بعدين

لأني امرأة وأعرف كل مشاعر المرأة
ومايجب عليها أن تفعله أنصحك من أعماق قلبي انك تتفرغين لنفسك
نفسك ثم نفسك ثم نفسك
ولو لمرة جربي أن تكونين غير مبالية ب عاطفتك
وللمرة الأخيرة اسألي نفسك
اللي أحبه متزوج وعنده بنت وش راح استفيد أنا ؟
طبيعي راح يفضفض لك عن زوجته والمشاكل اللي يمر هو فيها
بس لو جا وقت الجد ولازم يختار .. راح تكون الكفة مائلة لزوجته وبنته

هذا رأيي أنا وأتمنى انك تاخذين كلامي بعين الإعتبار
والله يوفقك ويسعدك