السلام عليكم .
مساكم الله بالخير جميعا .
بصراحة في موضوع شاغل بالي . وكنت انتظر الوقت المناسب اني اطرح الموضوع للتناقشوني فيه .
طبعا بتكلم بالعاميه.. لان للغتي العربيه الفصحي رايحه فيه ..
المهم ماعلينا .
كل ويك اند اتهوش مع عيال اختي . يعني كلما ادخل عليهم
معلقين السماعات في اذانهن . ومغير عيونهن بالايباد .
اللعاب ويوتيوب . وبصراحة غزووو فكري وتأثير قوي علي عقول الاطفال . وصل بهم الموضع لدرجه ان امه تآمر عليه ومايسمع متنح ولا يقوم يلبي لها طلبها الا بعد مرتين ثلاث لما تقوله ... !
الشي الثاني . يوم كنت في سنهم . اطلع عند البيت العب كورة نتمشي
نروح نجي عندنا اصدقاء وكذا .
الجيل هاذا صديقة الايباد والجوال . مايفارقه ابد .
يعني كنت احسب انو لاجو عندنا بالويك اند . مايعرفون احد هنا عشان كذا مايطلعون .
بس اتضح لي انو حتي في بيتهم ماعندهم اصدقاء ولا يكونون علاقات
يعني مدري كيف الجيل هاذا . الانسان بدون اصدقاء مثل السمك بدون ماء . يموت . طبعا مهب الموت الابدي ولاكن اقصد الموت النفسي الضيق النفسي . تخيلو ياجماعه الخير . انكم ماعندكم اصدقاء تشكون لهم تفضفضون لهم . يعني
السؤال الي يطرح نفسه اذا ماعندك اصدقاء .
ليشششش عايش .؟
المهم
الحين الايام هاذي الايباد والايبود والجوالات . هم اصدقاء للجيل هاذا
تصدقون وصل الموضوع في بعض الاصدقاء يقولون لي انو اخوانهم الصغار اذا خرب ايباده او جواله وماحصل شي يتفرج ع شيلات او برامج او اللعاب . وصل الموضع انو يقول الامه بغيب مابروح المدرسة الا لما تصلحون ايبادي ....
يعني سوا تأثير كبير عليهم . غز عليهم . شوش عقولهم وتفكيرهم .
يعني كنا نسمع بكلمة ( الاجهزه الذكيه ) وفي الاصح هيا مش ذكيه
هيا تستذكي علينا حنا الاغبياء بنسبه لها ..!
المهم مالكم بالطوويله .
ناقشو معاي الموضوع بصراحه مضايقني كثير الموضوع .
يعني بعض الاطفال مايهجد وماتخف شطانته الالما يجيبون له ايباد ويشغلون له اللعاب وشيلات ويوتيوب . .
يعني بدل مايتعلم القران والادعية .
يتعلم اللعاب اون لاين والاشياء هاذي .
الله المستعان .
كنت في عمرهم من 9 سنوات تقريبآ ابوي بغي يرميني من الدر الثاني ياجماعه الخير
عشاني قلت منيب رايح حلقه تحفيظ القران . !
وكان بغي يصدمني بسياره ايام الثانويه عشاني منحاش من المدرسه!
والجيل هاذا اذا زعل ركظو للسوق يشترون له الي يبغي . !
المهم
س 1. مالفرق بين جيلنا وجيل الوقت هاذا ؟
س2. لماذا كنا نحاسب علي اقل غلطه . هل حنا مظلومين في ذك الوقت ؟
س3. لماذا الجيل هاذا بعدو عن دينهم وتخلفو عن صلاتهم وصار يلهيهم الايباد والجوالات ؟
هاذ بعض الاسأله للنقاش واترك لكم الموضوع مفتوح ولكم حريه الراي !؟