الــخــالــق يغفر للخلايق كبيرة ** ربـي رحـــــوم ويـغـفـر كـل الـكـبـايـر
وانت عجزت تــغـفـرين الصغيرة ** حكمك علينا يـا اريش العين جـــايــر
ذنبي احبك والمحبة عـسـيــرة ** ودّي بشوفك وانت هـــــــارب ونــــاير
صبري عذاب وقـربـكــم به بريرة ** وترى الــعــبــادة يا حبيبي شــعــاير
متى تفضل ترحم نفس حسيرة ** وعين تــهــشّــم دمــعــهــا بالـعباير
قربك يطفي نار قلب ســعــيـرة ** اللــــــــــه يخفف من عذاب السعاير
الـمـلـك مـلـكـك والـوزارة وزيــرة ** وانا اللي ضــعــت من الـدرج للدواير
واليانشدنا قــالـوا راحت سفيرة ** يا ليتني بالــحــاشــيــة والـســرايـر
سرّك عميق ومندفن وسط بيره ** وهذي عـقـيـدة مـذهـبـي بالـحـرايـر
انت اميرة قلبي وانت الامــيـــرة ** بس اغفري لي غلطتي واللي صاير
ضيعت عقلي عقبكم والسريـرة ** وغــديــت مــثــل الــزول دايــر ودايـر
دايــــــر ادور زولك في كــل ديرة ** غــابــت اشموسي ولا لقينا مـنـايـر
واليانشدوني مـلـقّـف بالعشيرة ** اهزّ رآســي كني هـنـدي عــمــايــر
الهندي ضاع وضيّع اللــــه مديره ** ضــاع الــزبــون وضــاع مــال وذخـاير
يستاهل اللي مثلي هذا مصيره ** نـسـي ذلـولـة والـتـهـى بالـعـشاير
نسي ذلول في حـيــاتــه خبيرة ** حـرّة عــريــبــة مـا عـلـيـهـا انــخـايـر

القارظ العنزي