المدخل♥ !
سمية التوت مثل التوت في كل شي
عز الله اللي مسمّيها .. حشم قدرها
لا زاد حبّي لها و الشوق لا زاد فِي
أقول لله : يَ الله | خلّها لـ (بدر)ها !
ء
( ليت الزعل ممنوع ) فينا على طول
وليت المحبّه ما تروح بـ خساره !
لأنّي أحبّك حب يا زين ما يزول
مثل الذي : ناحت على أقوى جداره !
أعشقك و أحبّك و أداريك / بأصول
ماني من اللي يعشقون بـ حقاره !
يا نور عيني ، والدلع فيك : معقول
قلبي تملّل ! زاد طول إنتظاره ؟
إدخل بوسط القلب / محمول مكفول
إحجز يمين القلب ، و إحجز يساره
إدخل و خلك يا أريش العين مسؤول
.عن قلبي و ديره بـ ( فنّ الإداره )
غلاك وسط القلب " ثابت و محمول
ما ياصله من كان فيه إقتداره !
والحب خلّه باقيً شيء : مقبول
بين القلوب العاشقه / لـ إحتكاره
لو كان به :
ترتيب لـ الحب ، مدلول
فـ أنت الوحيد و معتلي بـ الصداره
يا روح روحي ، لا تخلّيه مقفول
باب الأمل لو بان فيه إنكساره !
تعبت أسيل الحبْر من دون محصول
تعبت أجامل هاجسي و إحتياره !
أكنّ في صدري ( فرح ) شبّه مقتول
و الحزن لا شفتك يجيه إنهياره !
يا بهجة الخاطر ، و يا ( سرّ مجهول )
يا روح شعري .. غايته و إفتخاره
إن شفت زولك جيت والهرج معسول
جهّزت عِدّ الشعر ، و أشعلت ناره
لكن خذها كاش ! و أعيد و أقول :
قربك عمار القلب / بُعدك دماره !
أقسم قسم لو تركض تصول وتجول
ما تلقى مثلي يعشقك / بإختياره !!
المخرج ♥ !
أنت حبّك صار لي [ مصدر وباء ]
وإحتواني دون ليه ؟ و دون كيف ؟
وإعتلى بي فووووق لي حدّ السماء
والسقوط أصبح لـ معشوقك مُخيف