تعرفون شعور الفرح المخلوط بضيقه؟

هذا شعوري الحين من يوم ماملك أخوي

أحس أني طايره بالسماء هذا أخوي حبيبي اللي

يحاول يونسنا وينسى نفسه عوضنا ولو بالقليل عن

فقد أبوي الله يرحمه، كان رافض الزواج رفض قاطع

وبعد أقناع طويل وافق من كثر فرحتنا بموافقته سوينا له حفله

يوم الخطبه : كنت متوتره لأبعد درجه أنا وأختي ظلينا ندعي له ونمتر الأرض ننتظر النتيجه

يوم الملكه :لمن صرخوا البنات أن المعرس عقد

حسيت أني تشنجت بأرضي آظني فرحت له أكثر من فرحته

بنفسه

والحين أسابيع بسيطه والعرس يتم معتمد علي أنا وأختي بعد الله في تجهيز العرس ع قولته هالثنتين اللي بقى عندهم شوية فيوز ماضرب
‏*‏
فيني ضيقه لأني مكسله وماسويت شيء للحين وكل يوم

أكون مكسله أقول بكره ويجي بكره وأقول بعدو

أخاف أكسر فرحته ، عشانه نسيت همي وأنشغلت فيه

رغم أني أضحك ساعه وأكتم ساعات

عشانه حبيت العروسه من غير ماأعرف عنها أي شيء غير أسمها




رغم أني عارفه بقرارة نفسي أنه بيجي اليوم اللي يقولي فيه مع السلامه


الله يكتب لنا اللي فيه الخير