السلام عليكم .. ياليت تساعدوني بحل ي مشكلتي الله يخليكم مالي احد بعد الله سبحانه وربي متضايقه جداً زوجي حبيبي عمري زعلان منييييييييي احس خلاص خلاص ماعاد يبيني لو طلقني وخرج من حياتي استاهل والله .. ححكيكم من البدايه مملكين لنا فتره مو قصيره بداية حياتنا ننجنن ومع بعض وتفاهم وطيبه وحنيه وكل واحد يقدر الاخر وتمام حبينا بعض مجنونين ببعض يعني مانقدرنعيش بدون بعض..زوجي انسان عملي جدا نمطه شمالي غربي- مسؤول عن اهله-حاليا صاحبه مسجون بسبب دين- وزوجي مسوؤل عن عياله لان مالهم احد بالمنطقه بحكم الدراسه للاطفال - زوجي يحب يشيل هموم الناس حتى لو اذوه- كريم -مصلي -بار شديد البررررر بااهله- محافظ - عمره بداية الثلاثين - وحنوووون-
انا طيبه فيني حنان - اجتماعيه- انانيه - لساني وسخخ جدااا بس بمعنى الكلمه مااحسب لها حساب - اغاااارع زوجي - عشرينيه - فيني خير-مااقول مافيني بس فيني خير للامانه الحمدلله..
ودي ان زوجي يكون الوقت كله معاي ماابيه ينشغل بغيري اكره واطنقر اذا ماكلمني ابيه معاي بس مايشوف الا انا ولايحب ولايكلم الا انا ودي اقفل عليه بعيوني واخليه لي- احبه بس الله يستر مايضيع . مشاكلنا كلها محصوره في انه مايكلمني ليه ينشغل بغيري ليه مايهتم بالواتساب ..للعلمم اذا فاضي كلمني ودردش معي مايقصرر بس انا ياناس مادري اش فيني مااادري والله لو احد غيره طلقنني انا اخاصمه واسبه والعن جدفه .. البارح مشكلتنا انه ارسل له طمني عليك ووووو وينك اشتقت لك . شاف رسالتي ولااااررررد علي انا خلاص اجتمعت الشياطين براسي كلها .. قمت خاصمته وقلت له اصلا انت من متى فاضي ومن متى حتتفضى لي وووكلام كثيررر... قال عندنا مطر جوالي خربان صاحبي عياله تعبو ووديتهم المشفى انا وخالهم .. تبين الطلاق صح كلمتك ماتغغير بس شوفي للمره 30 هالكلمه قلتيهاطيب ابشري راح اطلقك اااه صعقت وخرج من الواتساب ولاتكلمنننا يوم كامل قلت اكيد بيرسل لابوي. اليوم الثاني ارسل فيديو كوميدي ماكان صار شي وقال فيه برنامج حمليه نتواصل فيه . الواتساب ماضبط معي معلق
قلت له انت كذاااب كذااب كذااب ماتبيني اشوف ظهورك قال انتي مجنونه ولاايش وخاصمني واتصل علي وكان معصصب لدرجه اسمع تقفيله للباب حق السياره شلون معصصصصب خفت منه قال في ايش كذاب كذبت عليك في ايش تعبتيني حراام علييك اش تبين فيني حسيت كانه بكى المهم صوته تغيررر مررره وسكتتتت مررره ماقال شي بعدين اسمع اخوه جاب له مويا وصار يسولف بشويش قال لين متى ي فلانه لين متى تبيني اتعدلي مستعد ارمي كل شي ورى ظهري بس الله يخليك بعدي ع المشاكل وطولة اللسان ولا خلاص اخر فرصه ذي وقفل مني وارسلي كلام طويل ان المفروض احافظ عليه واقدره والمره السنعه تحافظ ع زوجها وووو.
وخلاص رضي عليييي
طيب كيف اسوي كيف احافظ عليييه كيف افهمه كيف اقدرررره كيف ابدى معه صفحه جديده انصحوني ي حريم ويارجال والله ماعندي احد ينصحني
صديقاتي كلامهم كله تحريض
كيف اخلي علاقتي معه لين الزوااااج
وللعلم انا خريجة جامعه وشريعه ومستغربه من نفسي كيف انا بذي الاخلاااااق..
كيف اكسب حبيب قلبي زوجي المسكين
كيف ابدى اتكلم معه بعد هالمشكله
وجزاكم الله كل خيرر