وعليكم السلام ورحمة الله وبركاته
اختي العزيزة ..مقدره حبك اللامحدود لزوجك ومقدره جدا هذا الشعور
بس نصيحتي لك ..لاتجعلين زوجك كل حياتك ...اجعليه مكمل لحياتك
راحت صحتك بالتفكير واللوم عيشي حياتك عيشي مستقبلك فكري شنو تسووين لعمرك ومن هالقبيل
اجعلي لنفسك مملكه خاصه فيك وفي هوياتك اشغلي نفسك ..بعيد عن الزوج
الزوج من لحم ودم يحب الحريه ويحب الثقه ..اعطيه هالحريه واكسبيه هالثقه
الزوجه ماانخلقت عقوبه للزوج ..بل جعلت له معينه للحياة تعينه على امووور دينه ودنياه
ترا الرجال مايحبون احد يتحكم فيهم او يحاسبهم على النزله والطلعة
بمثال ..دائمة الحديث معه ع الواتس اب وكثيرة التذمر ..طيب ليه ماتخلين شعور الاشتياق يجتاح زوجك
ترا حلاااات الشيء ندرته ..بطلي كثرة تساؤلاتك وتذمراتك ..
تقدرين تكسبينه باهتمامك باكله وشربه ولبسه ونظافتك ونظافة منزلك
بس ....لاتضغطين عليه وين رايح وليه وليه وليه هذا الشيء يولد ضغط عند زوجك وهذا الضغط مو حلووو
اختي حبيبتي الزوجه ادبها لسانها ..حاولي يكون لسانك جميل ونظيف مع زوجك وين راحت انوووثتك !!!
اتمنى ماتفقدينها مع عصبيتك ...والعصبيه عمرها ماجابت نتيجه ..بالعكس بالحلم والتأني تكسبين
واذا انتي حابه تحتوووين زوجك اعرفي هو شنو يبي .... اعرفي شنو يحب
تقربي منه بمحبه ..اذا شفتيه متضايق ..لاتلوومينه ولاتزيدين عليه حاولي تخففين منه ..اضغطي على قلبك
ترا مره مرتين راح تتعوين .....وانشغلي باشياء تفيدك ..اقرائي كثير عن عن قصص الزواجات وحلولها
اقرئي عن الثقافه العامه للطرف الثاني ..اشغلي نفسك بهوايه تحبينها ..عيشي لنفسك بالاول واوجدي ذاتك
وابعدي عن كل التوترات والافكار السلبيه ..زوجك لك اذا عرفتي تتعاملين معه صح
والله يعينك ياروحي على الطريق السليم
واحلى مافي البنت ادبها واخلاقها وحلاوة لسانها
وان شاء الله هالصفات فيك
محبتك