قالوا : يمون وقلت : تكفون تكفون ** بس اقـنـعـوه بـمـونـتـه وامتنانه
عزّ الله انـه على مانتم تــقــولــون ** ويكفيني ان الروح تسكن كيانه
يا عــزوتــي ياللـي عليّه تـمـونـون ** متى يجينا ونحتفي باحتـظـانـه
ان كــانــهــا بالــجــاه واللـه تكدّون ** وان كانها في غير هـاتـوا بيانـه
حــنّــا صبرنا وصبرنا حــالــتــه دون ** وفقدت انا عقب الحبيب الرزانـة
تـكـفـون ياللي كلكم بالعرب عـون ** ودوا سلامي للي هرجه لـيـانة
قــولــوا غلاته دوم بالحفظ والصون ** لو يطّلع في خافقي قلت عانـه
تشهد على حبه شرايـيـن وعيون ** عين تـنـثّر دمـعـهـا باشـهـقـانـة
ويشهد على حبي مجرب ومفتون ** اللي لقع قلبه صغير وخــــانـــه
هذي نـتـيـجـة مـونـتـه لو تحسّون ** الله لو تدرون وش لون دانـــــــة
القارظ العنزي