لا تقطع أرحامك و يشملك الوعيد
ولا تخسر الغالي و لا ترخص غلاه
و أخوك لا تخسره لو إنه عنيد،،،
يخطي مئة مره و تسمح له خطاه
و إن كان شد الحبل حاول ما تزيد،،،
إرخيه قبل الشد يوصل منتهاه
ولا تنصحه وقت الزعل ما يستفيد،،،
و اعرض عليه النصح في ساعة رضاه
و إليا طلب رأيك عطه رايٍ سديد،،،
و إن ما طلبك الرأي لا تبحث خفاه
و إعرف ترا قرب المنازل ما يفيد،،،
و أحيان يبدي شي ما ودك تراه
لكن لا تقرِّب و لا تنزل بعيد،،،
خلك على قول المثل حذفة حصاه
و إحفظ حبال الود حفظك للوريد،،،
اللي معلق فيه موتك و الحياة
ترا الأخو مهما حصل يبقى عضيد،،،
و ترا عيال العم ما عنهم غناة
الناس دايم ما تهاب اللي وحيد،،،
اللي ليا منه وقف محدٍ معاه