منتديات مسك الغلا | al2la.com - عرض مشاركة واحدة

**عابرون** · 04-19-16, 10:24 PM

تحدد عروض الثعابين ورحت له مع أخوي

أندمجت مع الشرح لدرجة دخلت راسي غصب مع السياج

ثعابين الأنكواندا ثنتين كبار عجبني شكلها وهي تتمشى

وتلتف ع رقبة العامل

قال أنها ماتنام وكمان ماتسمع لكن تشوف

خبيثه تقترب بحنان لفريستها لين ماتطمن لها الفريسه

ثمن تلتف حولها وتعصرها لين تفقد الحياه

كل هذا مايكلفها دقايق سبحان الله كمان أسمها بالعة

البشر لأن كثير زرطتهم كنهم حلاوى عندها

الحمدلله هي مو موجوده عندنا موجوده بالغرب ‏

وميزتها أنها فطينه وذكيه تخلص نفسها من أي حصار

قبل لا تصدمها راح تصدمك وأخيرا أنتهى الشرح بأن أعطى

اللي يبي يمسكها ويتصور معها

لكن أخوي شاف فمها الكبير مفتوح لأخر درجه خاف وأنحاش كان نفسي ألفها ع رقبتي يلا معوضه خير

في ديرتنا وخاصه المناطق الجبليه ومع الأمطار والصيف

تطلع من جحورها وأكثر من مره يطلع لنا واحد صغيرون

لكن مالي نصيب بالأكشن ماقد صادف وشفت ثعبان حي

كلهم مفغوصين

وقبل فتره طويله أسمع صراخ وماحسيت إلا وأخوي ساحبني معاه ويركض قال لي "تبين تشوفين ثعبان حي؟"

تشوقت وحسيت أني كسبت جائزه وصلنا لمحل ماهم ملتفين الشعب كان في غرفه بعيده أغلبها مهجوره

وأثنين من أخواني فوق السرير ومعاهم حديد والثعبان تحتهم بعد ماخنقوه بالفليت طلع

وكان هذا أول ثعبان حي أشوفه أصفر طويل بطنه ذهبي سريع يمشي بشكل غريب ماأمداني أتأمل

إلا وقصوه نصفين

أمي تقول "لا عاد تتمنين لقاء العدو بكره لا صادفتيه لوحدك ها ورينا شجاعتك"

.
اليوم فاضيه شغله والوقت طويل