هيبتي حتى في غيابي تحشم النفس بقفاي
إن حكـــوا فيني بـوجهي او حكــوا بــي من وراي
مالقــوا غير البيـــاض اللي قهر ســـود الظنون
هيبتــي حتى فـ غيــابي تحشم النفس بقفــاي
والله اني مرعبتهم يـــزعلون ويقعــدون !
نبشوا مــامن خطيه بس انــا ادرى بخطــاي
عيبي اني مـــاعرفت اســـاير الغير واخــون!
عيبي اني مـــا أمــن ولا أذل أحــد بعطــاي
وعيبهم ان الذيـــابه تعجز تـدكـ الحصون
بــرجي العــاجي بنيته بـــالشرف حتى هــواي
لو بحبـ احب لكــن مـــا ازل ولا اهــــون
مايديــر الراس مـدح ولا رقصت لكل نــاي
الثقل مــاهـو تطبع طبع والكــل يشهدون
لاذكــرت ابـــوي وامــي وعــالم الجهر وخفاي
هـانت الدنيـــا بعيني لانعيم , ويحـزنـون
وش ابــي بــالكــون كله بــاكر بيقرا عــزاي
امـا في وسط الجريــده ولا في دمع العــيون
إي وربــي مــاشقيت بضيقتي لكن شقـــاي
لانـزلتـ فـ قبري اول ليلةٍ وش راح يكــــــون !