حاليا أنا مستائة بصوره كبيره يالله في ناس ما همها

مشاعر غيرها وتتعمد إنه تجرح



هذا واحد من عيال عمي إنسان تافه تفكيره سطحي همه

الركض ورى البنات بيني وبينه عداوه موطبيعيه

يكرهني لأني لما كنت فالثانويه كنت أحذر البنات إلي

يكلمهم منه هو أكبر مني ومعظمهم يخافون ويتركونه

فيحقد علي وكم مره كان يحاول يسبب لي مشاكل بس

أبوي دائما يحذره طبعا أنا أقول لأبوي كل شئ لأنه

صندوق أسراري



من توفت أمي وهو كل ما شافني

يذكرني فيها غبي يظن إني نسيتها بيوم دائما يقولي

صراحه يا هنوف تكسرين خاطري مسكينه ما عندج أم

أسلوب طفولي لكن يجرح بس أنا ما أبين له إني أهتم

من كلامه دائما أسفهه





مره كانت بتصير مصيبه فراس أخوي** اخوي بالرضاعه لاني وحيده اهلي ** سمعه وهو

يقولي شخبارج بعد أمج البنات ألحين كل وحده تشتري

للعيد مع أمها وأنتي بتروحين مع منو؟؟




أول مره أشوف فراس بالعصبيه هذي حسيت وكأن النار

تطلع من عيونه لو ما تدخلوا عماني وأبوي كان راح

فيها لأن فراس ما كان يشوف من العصبية





فراس يحبني حب جنوني من كنت صغيره وهو يعلمني

إني أناديه بابا هو أكبر مني مباشره وبيني وبينه سنه بس

مستحيل أطلب منه طلب ويردي دائما أتدلع عليه




واحد من ربعه يقول أنا بزوج أختك وأفتك منها

ههههههه لأن كذا مره فراس يكشت فيه عشان يقعد

معاي أو يطلعني نتمشى أنا وياه مسكين عقدته


ربي لا يحرمني منه فديت روحه





سبحان الله أحيانا أفكر إن الله لما يأخذ من الإنسان شئ

يعوضه صح إن الله أخذ أمي الله يرحمها بس عوضني

بأبوي وإخوي ربي لا يحرمني منهم