الموضوع: البارحه
عرض مشاركة واحدة
قديم 05-01-16, 01:05 PM   #1
calm

الصورة الرمزية calm

آخر زيارة »  02-17-21 (06:11 PM)
المكان »  وطني الخليج
أحب دهن العود وأنواع الأطياب
وأحب ناس ماتعرف الخديعـــــة
أحب كل إنسان راقي وجذاب
صدوق في حبه ونفسه رفيعــــــة
ترى الوفا بقلوبنا ماله أسباب
فطرة خلقها الله وصــــارت طبيعـة
MMS ~

 الأوسمة و جوائز

افتراضي البارحه



البارحه مرت بي الساعات كن الامس عام
هم غزا ضيق على صدري وانا صدري مريح
ليل الكدرغطى سماي الي عليها الحزن حام
قام يتلاشى نور محبوبي وعن عيني يشيح
من عقب ماامطر علي وده مثل وبل الغمام
لين انبتت فيني السعاده زهر وورود وشيح
وقفني من درب الطويل المتعب وقفى وشام
يجر خطواته وانا دمعي على خدي سفيح
عيني تعاتب خطوته وبداخلي يصرخ كلام
اتامله في صمت وضلوعي وصب جوفي تسيح
يامالك المعلاق لاماحق لك هجر وخصام
وانته فلا يخفى عليك اني بعد هجرك اطيح
يلذلي من ماء زمزم من بعد طول الصيام
ياغايتي يافاتني يالعذب يالغر المليح
ياجابر قلبي غلا ياشوق وقضني ونام
بين الضلوع الهالكه وان هاج بي بحره طفيح
ياماسهرتك طيف في برد الليالي والظلام
حتى بزوغ الفجر يمسح طيفك وعني يزيح
يامارسمتك حلم في لذة رقادي والمنام
حتى صحيت فواقع الفرقى وانا قلبي جريح
كان الغلا مثل الطفل يكبر بكبر الاهتمام
وندلله بالوصل معنا كلمافرصه تتيح
والبارحه مات الطفل واقرا على روحه سلام
الجرح يحكي قصته من خلف الاضلاع ويصيح
ماعاد باقي عزم اقوى به عليا الانهزام
واضح مثل وضح النقا من سبة الحظ الشحيح
هذي النهاية واللحم يستر على عاري العظام
ماهو مهم الي ذبح مدامه الحب الذبيح