أخي العزيز فهد العوفي ((برد ودفا)) حبيت أن يكون ردي عليك بقصيدة منفردة ـ لجلال شخصك وتكرمة لقصيدتك القديرة ، فالمعذرة ان كان فيها قصور فاليك هي :

الــقــاف عقب البرد وشخب برديّة ** جــانــا بـدفــا جــانــا بيمين لـهـا زود
الزود ظـــــــاهــــر والكرم والحميّة ** من يمنى عوفي حطّمت كــــل بالود
جــانــا بـقـريحة تصطفق جرهدية ** تــيّــارهــا غـطّـى على كـل جـلـمـود
الــقــاف جــاني من صديق هدية ** الــطـاهــر اللي ما مشى درب منقود
اهـــلا هــلا بك يا زبون الــونــيـة ** يالـفـارس الـضـرغــــام والفعل ماكـود
قافك فتحي لي يا ضنيني شهية ** واطلق اعناني نـكـتب القاف مشهود
اطربتني بالـقـاف عـقـب اعشوية ** واسهرت عيني عيت لا تـقـبـل الـنود
حـتـى ثـنـيـنـا بـالـقـوافـي ثــنـيـة ** ثـنـيـت لـقـافــك يا بــعــد كـل مقرود
ابــشّــرك من عـقـب ذيك الاذيــة ** صـــــارت حياتي كلها اسهود وامهود
وبفضل ربي ثــــــم بقاف اعنزيــة ** امي الــعــزيــزة من ســلايل لها عود
الــعــود جــدي عقّب بنت عذيــة ** واخـوانـهـــا اللي بالمراجل هم الكود
صـــارت حـيـاتــي يا عزيزي هنية ** يفرح لها اللي مثل شــــرواك مرشود
آمــيــن ربـي يـحـفـظـك بالـبـريـة ** آمين عقب دعـــــــــاك به ريحة العود
اللــــــه يجيرك من بـلا كل سيّـة ** ويرفع مــقــامــك بالـمــلا ويتحفك زود
يالـفـارس اللي وان تـعلى العبيّة ** مضرب يمينك يــمــنـــع الناس والذود
عـاداتـكـم بالـمـوت مع كل هـيّـة ** ذبح الــعــديـــــــم وخيلهم حزتها قود
تضرب على الـكـايد ودرب المنية ** لــعــيـون من فازت على مجمع الخود
وسلامتك وادمــح قـصـور وخطيّة ** يالـوافـي الـصـافـي وبالطيب مـقـصود

القارظ العنزي