صعب
صعب لي منك فشلت وصعب لي منك لقيت ..
كان دربك لي طويل وكل ما شفتك هويت
إن من يكره نجاحك يدري إنك ما نجحت ..
قلت لك كبوة جواد وما كبيت إلا وجمحت
ولو دريت إن الزمان يجر رجلي ما عديت ..
ليه تتركني وتمشي آه ليتك ما مشيت
لو دريت إن البحور بلا مواني ما سبحت ..
آه ليتك من كثر عثرات الأيام إنتصحت
كان حلمي في وجود إنسان يبكي لا بكيت ..
خذني بحضنك أبغفى آه مبطي ما غفيت
صار حلمي في وجود أنسان يفرح لا فرحت ..
وإن لمحت دموع عيني سو نفسك ما لمحت
كنت أشوف الناس مثلي كل ما جعت وضميت ..
خذني بحضنك وبعثر جروحي وإن قضيت
ما دريت إن الأوادم ناس فوق وناس تحت ..
هز لي كتفي وقلي عيب تبكي لو سمحت
كلمات: فهد المساعد
ألحان: سهم
تاريخ: 2015