ياطير ياللي في فضا الكون منهـد
لا من وصلت فلان سلـم وقلـه
قله ترى الاشواق بالقلـب تشتـد
ودونه غدت دنيـاي دنيـا مملـه
وقله ترى حالي من الهـم منسـد
من زود ما بالقلب طعنات جلـه
وقله ترى دمعي حرق وجنة الخد
واللي يهل القلب محدنٍ فطن لـه
وقله قضيت الوقت بلشان بالعـد
اونست من فرقـاه مليـون علـه
وإن خاطري مكسور والحيل منهد
ومن بعد ذاك العز شفت المذلـه
وأكد له ان القلب من حب ما صد
ما هو لعب جهـال يـوم ويفلـه
ويا طير انا راجيه وان كان لي قد
قدري اشوف الخل يرجع لخلـه
__________________