.
.

صصبآحح الخيير .."
كييفكم إن شاء الله .."
طبيعي مو بخير لفقدآنكم مآجد
في اليومين الماضية ."
الممهم رآح أحدثكم عن رحلتي __
مشيت يوم السسبت الساعة ثلاثهه الفجر للقصيم .."
نظرا لوجود أختبار لي ..
و بحكم انو ماعمري رحت للقصيم من قببل شغلت الخريطة
في جوآلي وكتبت جآمعة القصييم .."
و مشيت ع الخريططه الين وصصلت الجآمعه
طبعا ماتوقعت الجامعة تكون كبيرة لهاذي الدرجة .."
ماشاء الله يمكن حجمها قريب من حجم جامهى سعود عندنا ."
و اجللس ادور ع مكاان الاختبار من كلية لكلية ..
لان مكتوب عندي أنو الاختبار في كلية الشريعه وماني عارف فين هيا ..
و ادور وأسال وكلهم يقولون مدري .. شكلهم يصرفوني بحكم انهم كانو مشغولين
با الاختبارات النهائية ..
لكني قلللت بخربها وبدخل ع العمميد الكلية .. من باب مقولتي ..
أقصر الطرق لمعرفة الجوآب هوا أن تذهب الى رأس العقرب وتترك الاجنحة .."
من كتاب مآجد صفحة 210
فعلا دخلت مكتب العميد لكني لقيت مكتب حق سكرتير فكلمته عن مشكلتي .."
قالي اختبارك مو هننا ..
اننا أنصدمت " كييييييييييف .."
قال أختبارك في كلية الشريعه وهي جامعة القصيم القديمة ..
طبعا الحمد لله أني رحت هنناك بدري لاني وصلت الجامعه الساعه سبعه
واختباري من المفترض يبدا الساعه عشرة ونص .."
و الحمد لله ماقصر الرجال طبع لي خريطة من الكمبيوتر فيها وصصف .."
لكني يوم طلعت ضيعت موقف السيارة ..
والله واجللسس ادور و ادور طفشت وانا أدور ف طلعت فوق كذا حفرية يصلحون فيها
كان فيها زي المرتفع جببل .." واطلع أضغط الريموت .."
الين الحمد لله لقيتها .. لانو كان زحممة المواقف " بعدها ..
امشي ع الخريطة وربي بعيدة الين حصصلت موقع الاختبار .. لكن
احس اني جبت العيييد .. بحكم
اني رحت و اننا مواصل وسسفر و ماني عارف ايش ضيعت من جامعه و جامعه
المهم بعد ماخلصت الاختبار سألتهم عن النتائج قالو بعد أسبوعين تطللع ."
بعدهها قلت برجع الرياض .." بس حسسيت أني لو رجعت ماراح اقدر أسسوق
لانو مررة نعسسان .."
فقلت بحكم أننو عندي عممتي سسآكنة في الزلفي تبعد عن القصيم بمكن حوالي مية كيلو "
قلت منها أسسلم عليها وانوم شوية ..
فعلآ رحت لها وصلت هنناك بدون ماتصل عليها عشان مايكلفون أنفسهم ب غداء و عشاء
يوم وصصلت لقيت باب الشآرع مفتوح .."
و أدخل لكن الحوش فآضي ف دقيت البآب اللي داخل و الحمد لله لقيت عمتي تقول مميين "
أقولها مآجد "
تقولي مآجد مين .. ههههههه
قلت لها ماجد ماجد ماجد "
قآلت هلاااا و الله و تفتح الباب وممو مصدقة أني جيت بحكم أنو ما عمري جيت عندهم ."
اقولها جيت عشان الاختبار ومريت اريح وانام عندكك "
قالت حيآك >> و بدل ماتخليني اريح قهوة رايحه وقهوة جاية
شربت كمية كافين تكفيني يومين صآححي "
طبعا عندهم عيب لو ماشربت القهوة ب حكم العادات عندهم .."
لان جماعة عمتي مو مثل جماعتنا او شي من هذا القبيل .."
ف اتصلت ع ولدها يجيب غداء و اقاطعها ي عمة اننا تغديت جيت بس أننام ."
وكممان اذا حابة تمشين معي الريآض ..
ف قالت اوكـ نآم و ارتاح "
هذا الكلام السساعهه 2 الظهر
ونمت وصحتني الساعه 8 الليل قالت لي يلا ي ماجد اننا بمشي معك "
وهات مفتاح سيارتك "
قلت ايش تبغي ب المفتآح "
قالت هات المفتآح "
قلت ي ترى هل عمتي تسسوق ههههههه
المهم عطيتها ..
ورحت غسلت و بعدها طللعت لقيت ولد عمتي ماخذ السيارة
وقآعد يحممل فيها خروف .."
عاد سيارتي صغيرة ماتحممل الخروف .."
مدري ايش سوى ركب الخروف و فتح الشنطة وعلق معلق ملابسس
عشان ماتتقفل الشنطه ويتنفس الخروف ..
المهم ..
بعدها مشيت وكل نص ساعه اوقف أتطمن ع الخروف ..
ألين فجاءة يوم وصلت الرياض أكلت مطب قوي انفتحت الشنطة كآمللة "
خفت ل يكون ههررب الخروف ."
حتى اني في عذي اللحظة تذكرت طآش م طآش "
بس الحمد لله ماصار علييه شي ..
و اوصصل البيت الساعه 12 ب الليل ."
و انوم ."
وقبل شوية صحيييت "
وهذي هيا احدآثي أتمنى اني مازعجتكم بشخآميطي "