الموضوع: نزعل ونتكبر
عرض مشاركة واحدة
قديم 05-19-16, 08:10 AM   #1
أمطرت لؤلؤا

الصورة الرمزية أمطرت لؤلؤا

الحاله »  أمطرت لؤلؤا غير متواجد حالياً
رقم العضوية »  12830
التسجيل »  08-05-2016
فترة الإقامه »  2919 يوم
آخر زيارة »  11-03-16 (09:31 AM)
المشاركات »  224

الأوسمة و جوائز

افتراضي نزعل ونتكبر





نزعل ونتكبر وحنا من الطين
................والكل منا يصد لا اقبل خويه

نفخر نقول انا على الصد قاوين
...............وهي علينا في الحقيقه قويه

نشفق على الطيبه وكسب الكريمين
.................وهذي بنا لاشك فعله رديه

ننسى نهايتنا وعلى وين ماشين
.........وننسى الزمن اللي جمعنا سويه

المشكله ماهي بحاجه لتخمين
.........ولاهي بعد ياناس صعبه القضيه

دق الرقم:كيفك..هلا فيك..واهلين
.............انا الخوي اللي مزعل خويه

قله:تغيب..وصورتك داخل العين
............ويبقى لحبك في خفوقي بقيه

اخوان حنا لو يجي بيننا شين
.............ومانفترق دام المحبه نديه

خلك قوي لاتحتكرك الشياطين
..........قبل الفوات وقبل وقت المنيه

هذي هي الدنيا من الحين للحين
..........لابد بين الناس تحصل خطيه

ومن لايقدر غلطة احبابه الحين
..........يقرا حروفي ويتعبرها هديه

باكر تمر سنين وسنين وسنين
.....والكل يرحل في الدروب المديه

صدقني تندم واذكر حروفنا زين
.......تندم على خلك اذا غاب ضيه

دنيا غريبه واكثر الناس ماشين
........وكم صاحب والله دفنته بيديه