الموضوع: ابي اصرخ !! وابلغهم واقول ان الفرح خوان :(
عرض مشاركة واحدة
قديم 11-29-11, 05:24 PM   #1
صمت الرحيل

الصورة الرمزية صمت الرحيل

الحاله »  صمت الرحيل غير متواجد حالياً
رقم العضوية »  1794
التسجيل »  07-04-2011
فترة الإقامه »  4777 يوم
آخر زيارة »  02-08-12 (02:32 PM)
المشاركات »  3,945
الجنس » 
الدوله » 
السمعه »  صمت الرحيل لديه قدره مذهله في النشاط

الأوسمة و جوائز

افتراضي ابي اصرخ !! وابلغهم واقول ان الفرح خوان :(


ابي اصرخ !! وابلغهم واقول ان الفرح خوان




أبي ابكي من الضيقة وابعزف للهمـوم ألحـان
أبي اطلق مواويل الحـزن واطـرح دواوينـي



أبي أشكي أبي احكي ابوصف للبشـر حرمـان
أبيهم كلهـم يـدرون أبيهـم يشعـروا فينـي



أبي لا من طرى اسمي بكى من لوعتي شيبـان
أبي لامن طرى"عاشق" ذكر من كـان يغلينـي


أبيهم يذكرون أنـي بدمعـي صرت أنـا غرقـان
أبيهـم يعرفـون الهـم هوّ اللـي يخاويـنـي









أبي أصرخ وأبلغهم وأقول أن [الفرح خوان]
يجي مرة معاي و هو بطـول العمـر ناسينـي




أبي اترك لهم قصة وأخيّرهـم علـى العنـوان
يسمّوا "حزن "يحطوا "دمع"أنا ما عـاد يعنينـي



أبي لامن وصل صوتي يحس بضيقتي إنسـان
أبي لامن نزف جرحي لقيـت اللـي يداوينـي


أبي شخص يجي يمـي و يقفـل للعنـا بيبـان
أبيه يكون لي خـلٍ علـى حزنـي يواسينـي


أبيه لمركبي مرسى وأبيـه لغربتـي أوطـان
أبي لامن ذرفـت الدمـع لينـه لـي يعزّينـي


أنا ما أبيه يصبح ضلع أبيه يكون لـي ضلعـان
أبي لا من مشيت وطحت حط يديه في يدينـي


إلا من خانني التعبير أبيـه يكـون لـي لسـان
أبي لامن سكتْ ألقاه يفهم مـن نظـر عينـي




أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي


أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكـن فيـه مغلينـي


أبي واحد ويسكن بي وابطرد لأجلـه السكّـان
أبي يسكن وسط قلبـي وعمـره مـا يخلينـي


أبي أشعل شموع الحب وبأعطي من الغلا بستان
أبـي أهديـه باقـة ورد .. مسقيهـا شرايينـي



لـ ارواح من مرت هنا