‎ ‎ابااااااااااااااااو ي اخيل تقارنا بالرجال واصلاً وجه الشبه والمقارنه بيننا
‎معدومه جداً لكون الله خلق وفرق

‎اولاً اجاوب ع الرجال شقائقي في الارض وعارفتهم
‎الرجال انسان معفوس لو ينام بين قش قال اصبر واتحمل من اصحا اغير مكاني
‎والبيت بالنسبه له فندق وقت يطفش ويضيق ماهو محتاج يتمشى في البيت
‎السياره تحت رجله ويدقها سفريات ورحلات عوض ابو الغرفه
‎مهوب محتاج محرم معه لجل يهرج ويطلع ولا هو محتاج اذن احد
‎فكيف بشخص يعتبر البيت فندق للنوم تبيه يتضايق من غرفه سته في سته
‎اماااااانه كيف

‎انت ماتلاحظ في رجال بيتوتيين هذولا فيهم طبع من حواء
‎تلاقيه يرتب وينظف ويحب المكان الفسيح والمزين
‎ولانه بيتوتي اصبح يهتم بالبيت ويجدد فيه ومايحب التقليدي بشكل دائم

اما اللي مو بيتوتي يخلف الله علينا زودٍ ع همه ثقل دمه

وتحيه لحواء قبل اجيب عنها

‎ ‎سالتك بالله لاتطرده خليه فيها مانبيها هو تعود عليها

‎ انا البنت اسكن بدل رجال
‎اول شيء حكم الله عليه لاحول ولا قوه قدني بنت ومحبوسه خلقه وتزيدون حبسي ب غرفه
‎سته في سته لا ومن بعد رجال
‎هذا واللي خلقني يبغالها جرد كامل من سقفها لبلاطها
‎اول شيء لو الشقه فيها فرش فقط يغطي الارضيه
‎بستقبل فيها
‎لان صحباتي طال عمرك مو من النوع اللي تهتم بالمظاهر ووشوله ي اسيره هاكا غرفتك
‎يهمنا فقط نتجمع ونتنفس ونسمر وكل واحده تندهف ع بيتها بعد مارفهنا ع بعضنا
‎مره متواضعين صحباتي ومايحبون يحرجون احد
‎الله لايفرقني عنهم
حياتنا بسيطه مو معقده لكن البنت جميله وتحب تشوف الجمال حولها
هذا سببنا وش نسوي الله خلقنا نحب الجميل في كل شيء حولنا

‎ ‎البنت بطبعها بيتوتي ماهيب عباتها ع راسها ومن سكه لسكه
‎لو اني رجال حرام الا اخلي الارض طول وعرض تشهد ع وجودي
‎لاني ناويه الف العالم
‎البنت طلعتها بمحرم وخرجتها بمحرم وامورها تمشي بهذا المحرم
‎زودن ع حبستها تضيق غرفتها
‎انا لو اني شاب اعتبر هذه الغرفه فندق
‎مابغير شيء
‎ان ضقت طلعت
‎وشميت هوا ربي بدون اذن من ولي ولا غيره

‎ ‎ول ول ول ياكبرها عند الله مايكفي انكم تتزاورن اكثر منا تشهد عليكم المطاعم
‎والفنادق والكوفيهات بالاضافه الدوارر وكل نخله مغروسه بشارع قد سويتو حولها دائره ودقيتو الحنك سوالف وسمره
‎حتا الاستراحات ماسلمت منكم
حتا البر والبحر وبيوت الوحوش قد شهدت عليكم وعلى سهراتكم وطبخاتكم وفلاتكم و تجي تقول نعيش مكانكم
خلنا نعيش مكانكم في كل شيء مهوب غرفه فقط والباقي لا
‎هذا النعيم كله وتبي تلاقي اصحابك بغرفه سته في سته
‎اباااااااااو صادق انت
‎انتم اكثر ناس تلتقون باصدقائكم بدون اذن ام او اب او اخ او احد يوديكم ويحدد ساعه ويجي ياخذكم
‎اويلي اما احنا حتا زيارتنا وفيها اذن

‎ودي اجتمع بصحباتي في كوفي شوب واشرب كابتشينو معهم خارج عن اوقات العمل
‎او المدرسه من باب زياره كوفي شوبيه
والله ماقد سويتها ابي اجرب التقي بهم هاكا


‎ ‎اكيد النفسيه متقلبه اتوقع كل اللي قلته فوق يثتب ذلك
‎ليتني اذا انزعجت ابسطها خذيت مفتاحي ولفحت بعباتي عليه ودقيتها ع الخط العام 220 السرعه
‎ويلقطني اي رادار دوريه واغير المزاجيه وانسجن حق ساعتين واطلع بدون اذيه
‎المصيبه بنت كل هذا الشيء احلام ورديه
‎لابد من تدخل شخص مسؤول عنها يحاكمها بعصبيه قبل ماتسوي هذه الاحلام وتقول عنا نفسيه

رفقاً بالقوارير

‎ ‎اكيد احنا كائن حي رقيق وجميل ويحب التجديد
التجديد هو من يضيف ع نفسيتنا حياه جميله
‎كون هذه الشقه داري ومداري طوال اليوم فلازم ان تكون في اجمل حلتها لكي ارتاح في اقامتي بها
‎بما يتواكب مع ذوقي واحساسي فهي قصري ان انبسطت وقبري ان حزنت
‎فلابد ان اطبق قول
‎ان الله جميل يحب الجمال عليه وع غرفتي ومايدور حولي ان استطعت


‎ لا لا ماتوصل لتسلف لانها بنهايه عارفه بتطيح ديونه ع راسها بس بقدر المستطاع
تخلي زوجها يحب التجديد وبعدين انتم الدهر حافي ومنتفيين اشتغلو جمعو بطلو تلعبون بفلوسكم
انفق مافي الجيب يجيك مافي الغيب
انسوها انفقو بعدل واعتدال
والله اكثر واحده تراعي ظروف الرجل هي هذي المغبونه منه لكن قدها مصيبه ولازم تتحمله

هذا قصرها اليوم كله فيه مو نفسكم حق النوم تعتبرونه وبقيت اليوم تقضونه بالشارع
فمن الطبيعي اهتم بقصري لاني انا اللي اسكنه


اساساً وجه الشبه بيننا وبينكم في هذه المسأله غير منطقي
الا في حاله ان تحبس ي اخيل في هذه الشقه ولا تطلع الا بمحرم
وباذن احد من اهلك ووجودهم وهو اللي يوديك وهو اللي يجيبك
بعد ذلك سوف تشعر بقيمة هذه الغرفه وتحب ان تجددها لكي لاتمل منها :eh_s(10):

ع العموم تقبل ردي وعبق وردي مع خالص احترامي لسموك
آسيرة حرف