اهلين ياسمح المحيا وسهلين
ياراس مال اللي يبيك ورصيده

اشتاقلك شوق الشقي للملايين
اللي حياته كلها على الحديده

لاشفت وجهك قلت للهم بعدين
يروح هم القلب ويعود عيده

يميزك عن باقي الناس ثنتين
ثنتين من غير المزايا الفريده

معطيك رب الصايمين المصلين
اللي جعلنا كل ابونا عبيده

عطاك عين ماخلق مثلها عين
والخد بلحاله يبيله قصيده

ياعاقل ماغرتك موضت ألفين
ولا لقينا صورتك في الجريده

وجهك اذا شفته تذكرت شيئين
الحظ الاوفر والحياة السعيده