إلى حضرة جناب اللي قتلني وقال لي آسف
............. إلى حضرة جناب اللي تمنيته وحبيته


حبيبي ما قدر صبري يداوي جرحي النازف
............. حبيبي انكسر فيني غلاك اللي تبنيته


حسبت ان الزمن يقدر يعيد احساسي التالف
............. يجدد فرحة ايامي وعمرٍ منك أظميته


ألا يا وقتي القاسي ألا يا حبي العاصف
............. ألا يا خل بكاني ودم القلب أسقيته


سألتك بالذي حطك وسط روحي وهو شايف
............. غلاك اللي سكن فيني وكبرته وربيته


أحبك وان قسم عمري وانتَ يا لغلا عارف
............. ما بين اخلاصي وحبي وبين احساس أدميته


أحبك صرت اعنيها وأعلقها بأمل زايف
............. واعشمها واصبرها على حلمٍ تمنيته


واعيشها بوسط معنى جميل وزاهي ووارف
............. وازينها وسط شعرٍ وحرفٍ فيك أبكيته


واصحيها على واقع قتلني وقال لي آسف
............. وآسف كلمةٍ بارت بسوق احساس أشقيته