●● الفصل الاول ●●
مشاهد .. الحياه مجموعة من المشاهد بس لازم لها ترتيب
●●●
1 ~
فهد بابتسامه : لا يا استاذ خل المناقصه على كذا احسن عشان الربح يكون لنا
سعد : و الله من دونك مدري وش كنت بسوي ، ثانيا اسمي سعد موب استاذ
فهد قام وحط يده على كتف سعد : نحن مالنا الا بعض و لا تنسى من أنا
و طلع
2 ~
فهد : تدرين حبيبتي ولدك الي ف بطنك وجهه خير علينا ، هاذي خامس مناقصه تجينا و كلهم الربح فيهم أكيد
نوره و هي تحط دلة الشاهي على الطاولة : الله يزرقكم الي فيه الخير ...( و عبست بوجهها شوي ) ... وش دراك انه ولد ؟!!
فهد : هههههههههههههههههههه الي يجي من الله حياه الله
وقام
نوره : وين على الله توك داخل ؟!
فهد : تدرين اليوم يوم مناير و هذاني جيتك اممم ...( ناظر بساعته ).. نص ساعه وش تبين بعد ؟
نوره : طيب انتبه لنفسك
طبع بوسه على جبهتها و مشى
3 ~
....: لا ي اختي انا قايله لك ابيها كذا يعني كذا
....: اوووف م تفهمين ! اذا م سويتها مثل م ابي بدور على غيرك
فهد : شفيه صوتك واصل لاخر الشارع ، هدي ي مناير
مناير : هالهبله م تفهم ... وش تبيني اسوي ؟
جلس فهد بتعب على الكنب الي قبالها و غمض عينه
لفت له و كملت .. : ثاني شي ابي فلوس
فهد بدون م يلف او يفتح عينه : توي امس معطيك خمسه الالاف
مناير : فلوس امس ... حق امس
فهد : ليه تبينهم ؟
مناير : عيالك محتاجين ملابس
فهد اعتدل على الكنب : توكك من اسبوع رايحه السوق و شريت لهم ملابس بالهبل
مناير بشوية عصبيه : و يعني خليهم يعيشون حياتهم
قام فهد
و هو يركب الدرج قال : انا مو جالس على بنك
تأففت مناير و قامت تشوف الخدم
4 ~
نوره : آآآآآآآآآآآه فهد بولد الحق علي
فهد بتوتر : يلا يلا وصلنا المستشفى اصبري
نوره : تكفى فهد آآآه مو قادرهه اسرع
5 ~
النيرس : مبروك مدام في جيب بنت هلو
دخل بسرعه على زوجته شافها ماسكه البنت بتعب
لفت له و ابتسمت : جاتك رهف ي ابو راشد
●●●●
بـــــــــــــــــــــــــــــــــــــ ( 18 ) ــــــــــعد سنه
13 / 3 / 1436 هـ
كان يمشي باسياب المستشفى زي التايه مو عارف ايش يسوي ، كان تفكيره منحصر فيها ، كيف راح يعيش بدونها ، حقر الممرضات الي قالو له انه م يقدر يدخل و مش لغرفتها ، كان همه الوحيد انه يشوفها ، يبي يكذب كلام الدكتور الي سمعه من ثواني ، مسستحيل تموت .. كيف تخليه ؟
فتح باب الغرفه و شافها بس م تجرأ انه يدخل ، حس رجله انشلت مو قادر يتحرك
سمع الدكتور وراه يكلم الممرضات : خـــــــلـوهه يدخل
الممرضه : بس ي دكتور م يقدر يدخل
الدكتور بحزم : قلتيها انا الدكتور
حتى الدكتور حس بجروحه ، ناظر في انعكاس صورته في السيراميك تحت ، ضعفان تعبان منهار ، كبر 10 سنين في دقايق ، ناظر فيها و همس بهدوء : ليه خليتيني ؟!
سمع صوت بكي وراه خلاه يفوق من الي فيه ، لف شاف امها منهاره على الكرسي ، رجع يناظر في جثتها المرميه على السرير ، مو عارف وش يسوي ، كيف يصير كذا ؟ توها من 4 ساعات تضحك و تسولف
حس بيد على كتفه : ادعي لها بالرحمه بس
ناظر في صاحب اليد و وخر و طلع برا المستشفى
ما يقدر يجلس زيادهه في المكان الي خسر فيه اغلى شي بالنسبه له ، كيف يرجع البيت الحين ؟؟!
وش يقول لولده الي م كمل الست سنين ، جلس ع الرصيف و تمتم بهدوء : الله يرحمك ي الغلا
●●● يتبع في الجزء الثاني ●●●