اكره شيء يوم يوقف الكلام عند سطر معين ،،
تكتب و تتحمس ، و تحس انك عبرت عن اللي بخاطرك ،،
فجأه ، ينقطع حبل افكاري
يبي لي انام و احلم بالباقي <- تدورين النوم انتي خخ
على طاري الاحلام ،، لي فتره اذا نمت العصر ،، يجني حلم صغير يفجعني
يوم افكر فيه ما يخوف بس يفجعني و يقمزني من النوم،،
<- و الله من الفضاوه خخخ
ايه فاضيه و ادور سوالف اسولف فيها الين يأذن الظهر و تبداالسدحه الجماعيه خخ
بعد صلاة الظهر كل وحده تنسدح بشرشف الصلاة كنّا عجز خخخ
مره من المرات خلص وقت البريك ،، قلت يالله قومو ي عجز خخخ
انا قلتها مزحه ، بس شكلها وحده زعلت خخخ <- سوت وضعية امزح امزح خخخ
كلها دقايق و اتوكل ،، توصون بشيء ، سالفه شيء
تدرون ان عيوني من يوم حطيت القطره صارت تحرقني بزياده ،،
و عندي احساس ان الدكتور ما راح يرضى يسوي لي العمليه ،، <- من اللي تسوينه بنفسك والله
كل يوم اقول ابطل أمسك الجوال و لا ابطل ،،
يالله اذن ،، بروح اصلي و انسدح سدحة العجز خخخ