البارت الثالث
قامت و هي تناظر في شكلها المعفوس و كحلها السايح على خدها من البكاء و فستانها المرفوع و شعرها مخرب ناظرت في الساعه و كانت ١١صباح وقفت و هي تحاول تمسك دموعها اللي صارت متعوده عليها طلعت على الشرفه و هي بفستانها حق امس ما قدرة تستحمل انها تمسك دموعها و نزلت دموعها بسرعه و حرارته تلذع خدها الناعم و بدأت تطلع شهقاتها من القهر اللي هي تعيشه من قهر ابوها اللي من هي صغيره ما رحمها و من طريقة غصبها بكل شي الدراسه و غصبها عليها و الحين يغصبها على الزواج تمنت انها تعيش مثل كل بنت تفرح بخطوبتها و يكون جنبها اقاربها عماتها و خالتها امها و اختها
بس وينهم ذولي كلهم مهم موجودين ما عندها غير ابوها و ابوها اقسى انسان عليها ما عمره حضنها او حتى قالها كلمه حلوه ما اهتم بتربيتها و لا حتى بوش تحب و لا وش تكره من يومها صغيره و هي في حضن الخدم
الشي الوحيد اللي يعطيها هو الفلوس و بس تتمنى انها تلقى منه الحب و الحنان الخوف عليها اذا طلعت او تأخرت على البيت ما يهتم ابد تتمنى بس انه يعطيها الحريه بأخذ ارأها بس ما عمره اعطاها ايها ابد تتمنى و تتمنى اشياء كثيره بس ابوها ما اعطاها من منايها شي هديت بعد وقت طويل و قامت صلت و لبست لها فستان اسود طويل و عليه جاكيت ابيض حرير و خلت شعرها البني المثير طايح على طبيعته و انسدحت على السرير و مامرت مده و الا هي نايمه و مهي داريه عن نفسها
.......
قام من النوم بسبب صوت الجوال اللي له وقت طويل و هو يدق
عز بصوت كله نوم: الو
.....:كان مارديت احسن صار لي ساعه ادق
عز مو مستوعب : مين!!
...: اللهم طولك يا روح عز صحصح معي ترى مره ماني فايق لك بعد ما سمعت اخر اخبارك انا سطام "بصراخ" قوووم
عز: سطيم ووجع فجرت اذني وش تبي الحين خلصني ابي انام
سطام و هو وده يقتل عز : سطيم بعينك الحين تدري الساعه كم عشان تبي تنام
عز بطفش: كم؟؟
سطام: الساعه يا طويل العمر ٩
عز : ٩ وش ؟
سطام و هو ماسك نفسه لا يعصب عليه: ٩ الليل ٩ وش بعد
عز قام من السرير مفجوع : كذاب !!!
سطام: يا شيخ وش اللي كذاب قوم بسرعه و تعال الكوفي انا و رعيد ننتظرك
و باين صوت رعد في الجوال: سطاموه ووجع مني اصغر عيالك عشان تقول رعيد اسمي رعد ترى
سطام و هو ناسي عز على الجوال: سطاموه اجل انت اول ناد اسمي كويس عشان اقولك رعد
عز و هو يضحك على اصحابه اللي معه من يوم هو صغير و يعدهم اخوانه اكثر من ما هم اصحابه:خلاص خلاص لا تتضاربون و كأنكم بزران و انتم اعماركم ٢٥ اعقلوا
سطام بطفش: يلا يلا بس يا العاقل تعال حسستني انك اكبر مننا الحين و انت بنفس اعمارنا يلا ننتظرك و قفل بوجه عز
عز متنرفز من حركت سطام اللي ما يتركها: انت يا سطام كل ما كبرت كل ما خبلت اكثر
قام و توضاء و صلى الصلوات اللي فاتته و لبس ثوبه الابيض و بخ كمية كبيره من العطور الرجاليه و اخذ المشط و جلس يعدل شعره و وقف و اخذ مفتاح السياره و الجوال و نزل مع الدرج و شاف ابوه جالس في الصاله فكر بنفسه انه لين متى يعني بيسكت و ما يكلم ابوه وهذا الشي مهو مسوي شي و لا مغير شي من اللي صار نزل و باس راس ابوه: وشلونك يبه؟
عبدالله يقلب بالجريده: بخير
عز متعود على برود ابوه : يبه تامرني بشي انا طالع مع سطام و رعد
عبدالله: سلامتك
عز باس يده: اجل في امان الله
عبدالله: مع السلامه
و طلع بسرعه على الكوفي و ركب سيارته الفيراري و فتح له الحارس بوابة القصر و توجه للكوفي اللي دايم يجتمعون فيه وقف سيارته و نزل و دخل داخل و شافهم جالسين و باين انهم ينتظرونه
عز: السلام عليكم وشلونكم ؟
سطام يتكلم بسرعه: بخير بخير الزبده انت ما تستحي على وجهك و ماكأننا اخوان و ما نخبي على بعض شي امس ملكتك و يوم الخميس زواجك و ما علمتنا و لا قلت لنا شي
رعد بعتاب: ما هقيتها منك يا عز
عز بتنهيده: اهه بس لو تدرون كيف صار الزواج و الا صح كيف عرفتوا؟
رعد يرمي الجريده على عز: يعني من وين بالله من الجريده
عز فتح الجريده و شاف خبر بأسمه و مكتوب انه عقد قران بين عز بن عدالله الخالد على ابنة الشيخ سلطان الفيصل رمى الجريده : اهه بس يا القهر مغبون احس قلبي بيفجر من الغبنه
رعد مستغرب: ليه وش فيك ووش اللي قاهرك ؟
عز : لو تدرون كيف صار الزواج ذا تضحكون والله
سطام: ليه وشبه الزواج ذا
عز بدأ يقولهم كيف ابوه غصبه ووش صار و كل شي قالهم ايه
رعد : اسمحلي يا عز بس والله ابوك يقهر صدق
سطام بقهر: ليه يغصبك و كأنك بزر عنده و انت ليه تطاوعه
عز: انتم تعرفون ان ما عمري رفضت لأبوي طلب و صعب علي ارفض الحين
سطام يغمز لعز : بس اخيرا عز بن عبدالله الخالد بيتزوج الحب
عز و رعد صاروا يضحكون على تعابين وجه سطام و هباله في الكلام
عز : تتذكون ايام الثانوي سطام كان يقول انا اول واحد اتزوج في ذي الشله و عز اخر واحد هيا شوف الحين انا تزوجت شد حيلك انت و رعد
سطام و هو يسبل بعيونه: انا ابي اتزوج عن قصة حب و افلام هنديه بعد
رعد : و انا ماافكر بالزواج ابد
سطام : اجل اسمعوا بمناسبة زواج عز من حبيبت قلبه سحاب بعزمكم على احلى و افخم عشاء
رعد حط يده فوق راسه: الله الله سطام صار يعزم اجل بتزوج عشان تكثر عزايمه
عز: كان قلت لي انك بتعزمنا اذا تزوجت كان من زمان تزوجت
سطام بقهر: انا ما عمري عزمتكم اجل ! خلاص مافيه عزيمه
عز و رعد قاموا مع بعض : خلاص قمنا يلا
سطام اعطاهم نظره : ادب
صاروا يضحكون على بعض ورما كان في قلبهم غير المحبه لبعض اخوان في كل شي يحبون بعض و يخافون على بعض و يفزعون لصارت الشده و يكرهون اللي يضر احد فيهم و يزعلون اذا احد زعل منهم اخوان بكل شي ما عدا بلأسماء
|||انتهى البارت||||