07-08-16, 04:32 PM
|
#33 |
عاشقــة القــمر Classic lady | | | | | | | | | | الهوايه » الكتابه .. الرسم .. القراءه.. التصوير .. | | | | | |
يوميات اهل عدن 💙 أحم أحم طبعا بسبب ازمةة الكهرباء اللي صارت عندنا اصبح يومنا بس متى لصت و متى طفت ههههه لدرجه انه البعض عملو تحليل شخصيه ههههه كيف تعرف شخصيتك من خلال الكهرباء - دراسة عدنية جديدة ☺؟؟؟
*الشخص السافي:* هو الشخص المسخدد اللي لما تسأله متى طفت متى لصت يكون جوابه مدري؟؟
*امالشخص الحريص:* هو اللي يتابع انطفاء وعودة الكهرباء بحرص، تسأله متى بتلصي يكون جوابه باقي ساعة واثنين وعشرين دقيقة واربع ثواني.
*الشخص المدوخ:* هو الشخص اللي لما تطفي خمس يقولك طفت اربع، تكون بتلصي بعد ساعتين يقولك بعد ساعة.
*الشخص العنادي:* هو الشخص اللي يشتي يمشي كلمته بالغصب حتى وهو داري انه غلطان ، تلاقي البيت كله يقول الكهرباء بتلصي بعد ساعة، لكنه معاند انها بتلصي بعد ساعة ونص.
*الشخص المطنش:* هو الشخص اللي مهما طفت الكهرباء ولا لصت تلاقيه راااااااااااااااااااقد ولا داري بالدنيا.
*الشخص الانتقائي:* هو صاحب ذوق رفيع ومن الصعب يقتنع بالحاصل، لا مروحة يدوي ولا مروحة شحن ولا شاحن ولا ماطور ينفع معه، ما يقنعه الا صوت المكيف ، وعاده لو كان جنرال طن ونص ياسلاااام.
*الشخص الذكي:* دا الانسان يحلل ويفسر ويتوقع النتائج، يعني لو اصحاب الكهرباء اتعدوا التلات ساعات تلاقيه بسرعة يستنبط انها بتطفي بعد اربع وان الازمة زادت.
*الشخص الانطوائي:* هو الوحيد داخل البيت اللي مايسألش متى طفت ولا متى لصت، حاله حال نفسه والمروحة السعف بيده، اول ماتطفي يهرب للسقف، الحوش، أو البلكونة.
*الشخص الصابر:* يشتغل / تشتغل بعز الحمى والرشح وغالبا هي الام بالبيت.
*الشخص الحالم:* هو اللي كل يوم يقول بكرة بتتصلح بكرة بتتحسن بكرة احسن مليه بكرة حقه ولا راضي يجي.
*الشخص الحساس:* تلاقي جسمه مبقع هنا حكوك وهناك بخشاش وهنا حرارة، بالغالب مايقدرش يرقد بالحمى، يراعي لما تلصي الكهرباء. |
|
التعديل الأخير تم بواسطة sahoora ; 07-08-16 الساعة 10:15 PM |