ياهيه وقف ولد وناظر بعينك
عاين لدمع الفراق اللي ملا عينه

ماهو بكيفك قتلت آمال مغلينك
قتل المشاعر بدون اسباب ياشينه

لك صاحب ذبلت اوراقه على ايدينك
الله يجازيك فيما صار ويعينه

يعشق مواليك ويعادي معادينك
حتى خفوقه عطاك ولا نشد وينه

انساق في حبك وعالم ميادينك
واهداك مايملكة من بد مغلينه

فتح لك القلب والخافق دواوينك
واصبحت وامسيت واحد من شراينه

سلبت روح الوليف اللي على دينك
واسرفت يابو العيون النعس الزينه

يازين يازين وقف وانتظر دينك
صاحبك للحين توه ماقضى دينه

اقفيت منه ورحت ولا درى وينك
والبعد عنك يحز القلب سكينه

تبغى الصراحة ولو زعلوا مجارينك
مافيه غيرك بها الدنيا ملا عينه

كلمات الشاغر : مسعود بن مسفر

راقت لي