يا عـذاب الـقـلـب ويـــا فـقـد الـصـغـيـر
ويا حــيــاة (ن) كـنّـهـا بــحـامـي لظى
كنّي الـمـسـجـون وفي عـهـدة خـفيـر
والا مـصـلـوب (ن) عـلـى جــمــر الغضا
اتـقـلـّب لــيــلــي كــلــه بالــســريــــر
اشــبــه الــمــحــمــوم وجسمه ينفضا
والا سرّاي (ن) مع الجــمــع الـغـفــيـر
جمع (ن) عجل ويخشى صبحه ينهضا
من ســبــايــب ظــالــم مـا لـه ضـميـر
مـيّـت الاحـسـاس بـحـقـي مـا قــضــا
ليته حــكّــم شــرعـنـا شرع (ن) قدير
وســنّــة الـمـعـصـوم لي فـيـهـا رضى
حطني في مـوقـف (ن) كـلـه خـطـيــر
ضــيّــق الـفـسـحـة عـلـيّـه والــفــضـاء
قمت ادير الـمـشـكـلـة بعقلي واديــــر
والـعـواطـف حــاضـرة غــصــب ورضـى
وان شـكـيـنـا لـراسـنــا والا الـمـديــــر
يـضـرب عـنـي صـفـح ودايــم مـعـرضـا
من يروف بـحـال الـلـي حـالـه حسـيـر
او كـسـيـر(ن) مـا يـســيــر ولا مـضـى
يــوم اشــوفــه ودّه يـقـلـع ثــم يـطـيـر
اتــمــنـى لـو يــقــوم ويــــركــــضــــــا
عــجــرفـــة ورع غــريــر ما يــحــيــــــر
في كــلام وقــلــبــي يـــمّــه يـنـبـضـا
اللـــــه يـجـمـع شـمـلـنـا وربي جديـر
في اسـتـجـابــة دعوة فـيـهـا انــحـضا
ربي يـعـلـم ضـعـفـنـا وفـيـنـا خــبــيــر
مطّلـع بالـغـيـب ويـعـلـم مــا مــضــى
القارظ العنزي