دخيلك لا تصلح غلطتك خل الجروح تزود
إذا ما للغلا سيره فما لمعاتبك داعي
أنين الناي يجرح كثر ما يبدع به المضهود
وكثير الصبر في باب المقفّي يفتح اوجاعي
رسمتك للقاء صدفة وشباك و لقاء و ورود
و طاحت عيني الثكلا على سكينك الساعي
كثر ما أفتح الصورة تجي حلو الليالي سود
كثر ما يرتفع موج البحر تستضعف شراعي
نسيت اني سليل المجد لا خايف ولا محدود
انا اللي بقطع ذراعي قبل لا تلوي ذراعي
عسى ماشر وش خلاك من عقب الصدود تعود
وعلى حد الخطا واقف تحرى جيت الساعي
عطيتك من سما فكري غلا لكن بدون حدود
قوافي تنزف حروف العتب و تصوّر إبداعي
مشيت الدرب لحدود الوفاء صعبٍ علي أعود
أبمشي لين ما تجفل عظامي وتنتهي قاعي
مسحت من الخيال اسمك ولا لك فالوجود وجود
ولا عاد المنادى منك صوت ٍ يطرب اسماعي
خلاص ارحل مع الغياب لا غالي ولا مفقود
خطيت بحبك وبعض الخطايا مالها داعي