بقولكم موقف صار معي وانا طالع قبل شوي من صلاة الغشاء
بصراااحه انا بسميه موقف خمس نجووووم
لانه (محزن ,ومضحك, ومُفجع ,ومبكي ,وكل ابوشي )
كنت طالع من المسجد ومتجه للسياره > ونظرت قدامي الا فيه ثلاث حريم يجرووون بسسسرعه ومعهم ولد صغير شايلينه > ومتجهين للمستوصف الخاص اللي قدام المسجد ... المهم قعدت انظر فيهم بدهشه وحيره <للمعلوميه دهشه وحيره متعوووب عليها ههه
المهم ركبت سيارتي ... ومشيت شوي وقربت من باب المستشفى الا وحده منهم جات يمي مسسسرعه وتأشر بيدها ..وفتحت القزاز الا هي تبكي المسكينه تقول المستشفى مقفل تكفى وصلنا لمستشفى الانصار الولد بيموت > طبعا انا سمعت طاري المووت قامت ركبي تصفق ببعض ... قلت اركبي بسسسرعه ..وركبوا معي وانا اصفط الطبلوون 200 على مستشفى التخصصي > طبعا كلهم يبكون وازعاج < مألومهم والله
ووصلنا المستشفى وانا اخذ الولد من يديها >وامسك الولد بيد وارفع ثوبي باليد الثانيه وادعسسسسسس ع الطواري
ويوم دخلت الطواري تخيلوا وش لقيت > الدكتور ابن الـ ...... >> لقيته نااايم والله العظيم
وانا اعطيه ذيك الشوته على ساقه ..وهو ينقز فووووووووووق ايسس في ايسسس فيه <طبعا هندي الدكتور
قالت ام الولد :يادكتور دخلت في خشمه حبة خرز .... وانا انظر في خشم الولد الا فيه شي منتفخ > المهم قال الدكتوور اجلس ع السرير والولد على حضنك عشان ماترووح الخرز داخل خشمه<< ينعن ام التوهيقه
وقعد الدكتور يسحب الخرز بمقص صغير والولد يصيح ويرااافس > وانا شوي وابكي معه من هوول الموقف
المهم الدكتوور ماقدر يطلع الخرز لان الولد خشمه صغير مررره > وكل مايسحب شوي يزيد بكاء الولد > والحريم المساكين يبكون بعد
وصار يطلع من فم الولد شي ابيض > ويوم شفته وتقعد يدي ترجف ماقدرت امسكه زين > المهم وبعد عناء طوويل طلعت الخرز من خشم الولد >وصار يبكي بس بخفيف >طبعا امه شافت الدكتور يوم طلع الخرز من خشمه >والمسكينه تجي مسررعه وتحضن الولد وتقعد تبكي >وانا اطلع واوقف على الباب حق الطواري>لان الام المسكينه نست نفسها انها مو متغطيه >المهم مادريت الا ام الولد > تقول زورو بالحلقه الاخيره ..ناقزه علي وتحضني <ينعن ام الاحرااااااااج >وتبووس راسي >والله يعطيك العافيه وانت زورو وانت باتمان وانت طرزان وانت بيكاتشو ههههههههههه .. وانووواااع المدح .. حسيت اني فاتح الاندلس خخخخخخخ
المهم انا طلعت وركبت بالسياره .. وقعدت استناهم يركبوون >وفجأه طلعوا من المستشفى ووقفوا قدام السياره وصاروا ينظرون فيني >طبعا انا انحرجت مدري شسوي ومدري ليش واقفين وليش مايركبون >المهم نزلت القزاز وقلت اركبوا ارجعكم بيتكم >قالت الام انت اللي وصلتنا هنا <المسكينه من كثر البكاء ماشافت وجهي وماعرفتني
قلت ايوه انا > المهم طلعوا معي ووصلتهم بيتهم > ويوم وصلنا قالت وحده من البنات .. انت متزوج <ينعن ام الاحراج ههههههه
قلت لا والله مو متزوج ولاابي اتزوج < خفت انها تقول هل ترضى بأن اكون زوجتاً لك ههههههههههههه لانها شينه شوي خخخخخخ
قالت الله يرزقك ببنت الحلال الطيبه الحنونه المزيونه < ويوم سمعت دعاها ومواصفات الزوجه وتطلع قدامي ايقونه فيها بنت تقول افلقني اذا لقيت هالمواصفات هههههههههههههههه
المهم انتهت القصه واتمنى اني ماطولت عليكم <اقول تلايط بسسس
the and