تضيق نفسي لين يشره على قلبـي فمـي
وأنا أترجّـا فمنيـات الحلـول المزمعـه

لا يبن أبوي شلون . محتر وأطغي وأحتمي
والوقت لامنّه زمـا راس حضّـي يقمعـه

أن جيتها ف الاصدقا؟ أوووف ياوفرة دمي
كم واحدن خلاّ جميلي على راس أشمعـه

مانيب متحسّف جعل مال جافينـي سمـي
لان أدري المحراب ماهوب مثل الصومعه

تتغثبر الدنيـا ولحظـة.. صفـوّ الأدمـي
اليا سجـد الله وسقّـت دموعـه مدمعـه

وأنا أدمعت عيني وما اكميه عاده منكمـي
بين أنتضام عروق قلبي مسـوّي معممعـه

ياوجد حالي وأنكساري وغيبـي وعدمـي
وجود من جمّع حلاله وضاع اللي أجمعـه

المشكله.؟ ماهيـب نفسـي وزلاّت قدمـي
وماهيب بحّة صوت أحبّه ولاعاد أسمعـه

المشكله؟ لاجات من بين دمّـي والحمـي
مدري من أخلّي ولا أدري من اوقّف معـه