البارحه في وسط جمْع النـاس وانـا مادريـت
،،،،،،،،،،ناديت بااسمك يوم دارت موجـة افكـارى ورى
ناديت بااسمك ياعيوني يوم بالموْقـف سهيـت
،،،،،،،،،،قالوا : مضيّع؟ قلت لا لا كنت ابي شخص ٍ سرى
ارقع الغلطه واردد فـي قصيـدي بيـت بيـت
،،،،،،،،،،كنّي طبيعي ما بغيْت الناس تـدري وش جـرى
يعني بصراحه موْقف ٍ محرج ومن جدّ استحيـت
،،،،،،،،،،احمرّ وجهي........حياي....... وكـل مـن حولـي درى
الله يانـي مغْـرم ٍ بـك والدليـل انـي بكيـت
،،،،،،،،،،يوم اتذكّر طلتك .. دمعي علـى خـدّي جـرى
حبيبتي لو ما انتحي لـك كـان والله مـا عنيـت
،،،،،،،،،،لكـن غـلاك بخافقـي مافيـه بيـع ومشتـرى
ياكثر شوقي يوم رحت وكثر شوقي يوم جيـت
،،،،،،،،،،متى بشوفك يهْتني قلـب ٍ جريـح ٍ مـا بـرى