ياليتني ماجيت سـوق العبيكـان=ولاشفت طرق بالعيون ذبحتنـي
طرق تهز الردف والعود ريـان=ياليتها فـي السـوق ماقابلتنـي
قابلتها في السوق والسوق مليـان=وكلمتهـا يومنـهـا كلمتـنـي
وقفت لاريض ولانيب عجـلان=غير المشاعر والعواطف خذتنـي
وقلت السلام وردته يابن سرحان=وترى سهوم عيونهـا صوبتنـي
وقلت انتي من ايات قالت علشان!=قلت الحقيقـه حاجتـن راودتنـي
قالت ماتقدر واسترح ياكحيـلان=امي تراها لابن اخوهـا عطتنـي
وابوي ماله دور في كل ماكـان=امي علـى ماتشتهـي سنعتنـي
ماتلتفت لبوي راضي وزعـلان=واناعلى ظهر الجمـل فشحتنـي
وتقولي طيـب وكشخـه وفنـان=وبمواصفاتـه كلهـا علمتـنـي
مطواع ومودب وطايش وفسقـان=وليا طلبته حاجتـن حـب متنـي
تبي تجي مثله فاقولـك مـن الان=اختي تراهـا بزينهـا غالبتنـي
قلت العفو صدرت لو كان ضميان=ياللي سهوم عيونهـا صوبتنـي