أتعبتني يازين وأحترت ويآك
وضويت ليه في حياتي مصيبه
عذبتني يازين وأنا أترجآك
وشيبت قلبي قبل ساعة مشيبه
وأشقيت عيني يوم اميز حلايآك
وزرعت في قلبي جروحٍ عطيبه
يانعنبو حيك علامك ووش جآك
تجور في مغليك وأنته طبيبه
هذا جزا اللي في غلا الروح حيآك..؟؟
تصد وأنت أصل السبب بتعذيبه
أنا اتعذب يوم بعدك وفرقاك
وأصبر على جمر الفراق ولهيبه
وأسهر على نور القمر وأتحلآك
من طلعته بالجو حتى مغيبه
واليوم تترك خاطري كني إعدآك
وتنسى خفوقٍ ضمك بكل طيبه ؟؟
لكن أنا قررت أبهجرك وأجفآك
ماعاد لك بالقلب قدرٍ وهيبه
أبطوي الصفحات يازين وأنساك
واحط من فوقك تراب ونصيبه
أبعد عسى كل المصايب تقفاك
ويصير لك في كل ليله مصيبه