ياحبيبي أنا حيل بالحيل مليت

والصبر فيني تغنى بكلمة انتهيت

ترى الشوق واقف على شعر خيط

وماعاد يقوى على رمش عين.. ولا ذرة دمعه

تحمل اكتفيت




وأنا بكل جميل من فعل ابتديت

رغم ضيقي تبسمت.. لجل بسمه على شفاتك ترتسم وأحتريت

بسمه ونظره أو كلمه تحيي القلب وماجنيت

وبالأمل سقيت ذكرى اول ايامنا

لأحي الروح وما حييت

جعلت من العدم زهر.. وبحر

تمحي آلآمك وأوصلتك لكل ماتمنيت

رفعت قدرك ومقدارك وفي حكي

الناس قدوه وانت وش سويت




ياحبيبي


ترى الحب ماهو حكي او جمله من شطر بيت

الحب ياعزيزي اعظم من فعلي وكل ماضحيت

الحب

مسرح في نظره..همسه في كلمه..رقه في لمسه.. حنان في ضمه

أمان في خطوه.. احترام في فكره.. طاعة في نقطه

وماهي نشوه او نزوه

باختصار

الحب... مدرسه تتعلم منها طول ماحييت




ياحبيبي


ابي اعرف وش الي غير احوالك

انا عنك قصرت وماوفيت

ابيك تحكي أنا على الخطأ دست وتعديت

قبل لاتنقطع الشعره وأقولك ياحبيبي توقف,,,,, نبض قلبي توقف

وعلى صدك أنا نويت

لأن الحب الي يألم ماهو حب وانت الي جنيت

حدفنه واكتب على قبره ماضي ..

بصبري عليه عند الرب ارتقيت




أنا الحين برحل وابي منك تتذكر

بسمتي وضحكتي وكلمة يانور البيت

ابي لا جا الليل

بطوله وعتمته تشوف وشلون انا انجنيت

ولازادت وحدتك والناس حولك

تذكر نثري وكل ماخطِّيت

ولاقست عليك دنيتك تذكر بحري وكل ماغنيت



ونصيحه


قبل لاتجي..ولي ولعطري حنيت

ابيك تعرف وش الحب..وش أنا عانيت

واتأكد اني ما أعاتب إلا من حبيت

وعلى مثلي لاتدور حتتعب والنهاية... ماالتقيت

خذ قرارك وعالج أفكارك

وياتلحق أو ماتلحق

لأني صدق صدق

.. بالحيـــل مـليت ..