فيلسوف بعلم الشعور
الشاعر المميز تركي عواد
( فلان وفلان )
ضاق المكان وضاقت عيون الأصحاب
ما كنت صاحبهـــم وهذا مكانـــــي!
اللي من أكبر همهم طـــرد الألقاب
واللي شريتـــه بالوفـــا مـــا شراني
الجرح يفقد هيبتـــه لا براا. وطاب
ومن طيب جرحي ما نساني ثواني!!
اللي خسر ناسه بلا ذنب وأسباب
كلــه لجـل يرضــي فلان الفلاني
مثل غلا سعدون لعقاب وأحجاب
أغليتــهم لكن صدمني زمانــي!
فلان جاب فلان وفلان ما غاب
وشلون يجلس بالمكان الأنـــاني
المسألة ماهي على كسب الاعجاب
المســألة شي قريتـــه وقرانــــي
لو حاجتي بيدين ربعي والأقراب
أموت مــا أطلبها لو إني أعانــي!
اللي حسب لي حساب؟ أحسب له حساب
أقولهـــا وأنا لســـاني حصانـــــي
كنتم قرابه صرتــــوا اليوم أجناب
يا كبرهـــا يا ثقلهـــا في لسانـــي
سويتكــم بالقلب صفحــات / كتاب
وكل يوم أشق صفحة من اللي نساني!!