سلامم عليكم كيفكم الله يسعدكم بالله عليكم
انا طالبه النصح منكم بليزز.. انا مملكه وزواجي ان شاء الله السنه الجايه عمري 25 وزوجي 32
زوجي حبيبي كل صفات الرجوله فيه وعارفه ان ماافي زوج بهالزمن مثله الا قله محافظ ع الصلوات وبار اأهله والكل يحبه ويمدحه والله مشكلتي أنا طفشته جننته جبت له المرض والهم أنا مااقدر ولا أعرف أمسك نفسي نزلت مشكلتي بكذا مكان واكون معاه فتره كويسه اسمع النصايح وبعدين أرجع لجناني الغبي .
أنا أنسانه فيني أفكار وسواسيه بشكل فظيع .
مثلا موقف مره شفت وحده معاي بسناب منزله شاليه طلعتهم وبنفس اليوم زوجي كان بشاليه. مع اخوياه . تدرون أن الأفكار وصلت فيني لدرجة قلت انها شكله مخاويه زوجي انجنيت ورحت سألتها واستفسرت منها وينك وسألت زوجي طلع شكي مو في محله ظلمتهم الاثنين
أغار عليه بدرجه فظيعه ماابيه يكون الا معااي اذا ماكلمني يوم أنجننننننن انهبل . واذا جات الفتره حق بعد الرجل بمشاكله وهمومه وضغوطه تعرفون أنتم أن الرجال تجيه هالفتره ويحب يبتعد ع الككل.... زوجي تجيه تقريبا معه هالاسبوع ومتخااصصمين انا وهو اليوم قلي انا لي ايام وشهور أفهم فيك ماتفهمين ولاتقدرين وضعي شوفي لك حل ولا خلاص نلغي الزواج وربي لوو أهلي عرفوااا بيوروني الويل.. كيف أخلي الرجال لحاله كيف مااجننه
وقد قالي مره بهواشاتنا انه صابر علي عشان اهلي طيبين . وعشان انه حبني من زمان أنا لسا صغيره وخطبني واهلي وافقواا بس ذا اللي مخليه صابر ويقول انا ايام اكون كويسه وأيام يقلب علي . أنا اعترف اني موسوسه سلبيه جداااااااااااااا جدا جداً.. كل حياتي سلبيات ووسوسه مع أني الحمدلله ملتزمه و مدرسه دين . ومااني عارفه كيف ههالاشياء تخرج مني
لمااشوف عمري واشوف الناس كيف تحترمني ويطالعون فيني ع اني انسانه فاهمه الحياه صحح. وعايشه مرتاحه مايدرون قلبي موسوس وأفكاري سلبييييه بحته .
ماادري ليش انا كذا مع اني الحمدلله صحتي سليمه مافيني اي مرض الحمدلله ياربي. جامعيه تخصصي شريعه حلوه وكل صفاتي حلوه . !وعشت ببيت مرتاحين الحمدلله . بس ماني عارفه آش فيني 😭😿😿😿😿
زوجي جننته اشك فيه سلبيه اذا مارد قومت الدنيا وقعدتها وادا مااكلمني زين برضوا قومت الدنيا وقعدتها اخاصمه وهو ساكت
ويقولي مو ضعف بس انا صابر والله لين النهاييه أشوف اش هي معاك والله . زواجنا السنه الجايه ان شاء الله ونمط زوجي شمالي غربي وأنا كذاك شماليه.
مااعرف هل انا مااعرف اتعامل معاه أم ماذا
والكل يقولي ي حظظك بزوجك الكل يمدحه ماشاء الله لانه فعلا رجل وادري لو غيره طلقني من زمان
أنصحوني هو زعلان منني مرررره
عشان قلت له انت ماتبيني وتبي تطلقني
قالي انا مع ربعي وخرج الى الان ماكلمني
ماادري خايفه يطلقني اش اسووي
كيف اكون سعيده معاه
للعلم هو طيب ولاعمره سبني ولاجرحني ولا أهانني ويهديني ويهدي أهلي ومايقصر بشي ابد وانا كمان احبه واهديه بس انا عيبي ذا الشي موسوسه وسلبيه واجرحه واسبه دايما😢😭😭💔 الحل ي جمااعه الحل