الفاضله / حلم اداريه

وعليكم السلام ورحمة الله وبركاته

بخصوص اول نقطه ولد اختك
من الجزء الاول
قلت لك منتي مجبوره تمسكيه لها واذا مسكتيه لها واهتميتي به لانك تحبيه واذا ماحبيتيه فانتي تحبي اختك وكلاهما واحد
وخواتك مهم مجبورين يعاملونه زين او لا كل وحده تعامل الناس مثل ماتحب
ومثل ماترتاح ومثل ماتريد
يعني اذا انتي تعامليه زين مو لازم الكل يكون مثلك
الناس تختلف حتى الاخوات من بطن واحد ولكل واحده اسلوبها
يعني عنده ام اذا تبيه تمسكه ماتبيه بكيفها
وخواتها مو مهمتهم انهم يمسكونه لها ويربون عيالها في غيابها مهما كانت اسبابها
فتقبلي معاملتهم له ولاتزعجي نفسك المفروض اللي تنزعج اختك ام الولد
مو انتي لانها اهملت ولدها وتبي غيرها يتحمل مسؤوليته عنها

بخصوص الصديقات سكر الحياة للامانه
لكن مو بشرط يكون عندك صديقات اذا انتي مو حابه ومرتاحه بدونهم
لانك اذا بغيتي راح تحصلين ع صديقات لانك طالبه واكيد تخالطين بنات معك من نفس تخصصك جمعتكم دراسه


من حيث الخجل حلو الخجل للبنت والخجل من الحياء والحياء شعبه من شعب الايمان
لكن عيوبك مع احترامي لسموك هذه مو عيوب ابداً لانها متوفره في كل فتاه
خلقنا نحمل هذه الثلاثه العصبيه والحساسيه والانفعاليه في كل بنت ع وجه الارض
يعني لاتعديها عيوب ابنيها ونميها واوزنيها لكي تتزن حياتك

همسه انتي تقولي جلستي مع اختك
انتي واخواتك في بيت واحد معقوله جلساتكم محدوده ومو معتادين ع بعض وع اطباع بعض

وليه تنفعلي لمن تفرضين عليها كلامك قلت لك الناس مو مثلك
ليه قلت انا تفرضين !!
ماقلت تسولفين
لانك تضايقتي انتي لمن عارضتك اختك وما اتفقت معك
وبالفعل هم ماهم مجبورين يتحملون ولد اختك
اذا اختك بنفسها ماتحملت ولدها وشافت له دبره معها وتخلت عنه لجل وظيفتها وعندها الف حل وحل لجل تخلي ولدها معها
انتي تتعاملي مع ولد اختك حباً فيه ولا في امه
اكيد حباً في الطفل مو امه

اللحين بعد هذه المصارحه والانفعال طلعتي بنتيجه (( مرضيه ام مرضيه ))
مرضيه
لانك تأثرتي انتي فتحتي الموضوع وشلتي بخاطرك وضايقتي نفسك وانعكس تأثرك ع شعرك وجسمك
يازيد ماكنك غزيت
المفروض ترمين الكلمه ع اختك وتسولفون وتنسينها بعد ماتقومي وشوله تكدرين نفسك وتهمين بكلامك ع كلامها
وتجلسي تفكري 100 مره فيها
بكذا انتي اللي بتتعبي فيهم

لا حبيبتي صدقيني الكل مايعتبرك كذا
انتي فقط من لديها هذا الوسواس لاغير
السبب لو ان الكل يعتبرك تسببين مشاكل كان سلكو لك كلامك وتجنبوك
لكنهم عادي يجارونك ويهاوشونك نفس ماتهاوشينهم
والسوالف اخذ وعطى وصراخ وانتهى
بس انتي الاعتقاد هذا ملازمك ولازم تحاولي ماتكوني كذا لانك تغرسين في نفسك ومخيلتك اشياء وهميه
وتنميها

الدكتور النفسي
ورهابك الاجتماعي
من جده حكم ع المستقبل من علم الغيب انه لايوجد لديك علاج
وانتي ببساطه وحسن نيه صدقتيه وبديتي تنفذي ماصدقتيه في ذهنك
والله معي وحده من صحباتي من زود خجلها من امها تستحي يعني حالتها اشد من حالتك
متزوجه وحياتها طبيعيه
عسا لازم المتزوجه تكون مافيها ذرة خجل عشان تتزوج اكيد لا
اذا جا نصيبك استخيري ووافقي واتركي رهابك ع جنب
لانه لاوجود له باذن الله
ونصيبك راح يحبك مثل ما انتي الرجل يحب الخجوله مو الهمجيه

اعتبري كل من هنا صديقاتك وفضفضي في اي وقت تحبين
وخالطي الناس فيهم الخير الكثير صدقيني ليس كلهم سيئون ومرعبون

تقبلي ردي وعبق وردي مع خالص احترامي لسموك
آسيرة حرف