أسمع صدى صوتكمع ضجة الناس ,, والحس يسري للضماير حسوسي
أنسى معاك العزم والفكر والياس ,, وحبك بقلبي للضمير مغروسي
واهيم ف بحر بالأمواج غطاّس ,, واسج وانسى عن ربوعي جلوسي
قربك شفا للروح والنود نسناس ,, وروياك سعدي عن ليالي نحوسي
يا مورد الخد المعسل بالألعاس ,, يا ضي جبينه ف الظلام الدّموسي
العين عين اللي ع الكف حباس ,, والصيد له بمعودات الفروسي
فرخ الحرار مذهب الريش طلماس ,, أشقر عليه م النداره هيوسي
ياضي ضيا خده كما نور نبراس ,, والا شعاع الشمس قبل الغلوسي
كنه يحش القلب مرهوف الأمواس ,, حش الصريم اللي نواه اليبوسي
عليه م فقدي ووجدي والإحساس ,, مثل الضريم اللي عليه محموسي
نار اتواقد هبها نود لساس ,, موقد غضاها م حطبها يبوسي