تعب هذا العمر مني ,
وتعبت أتّنفس أشواقك , وأضل أنطر أمل ( باكر ) أذا فاكر ! , تعال ورتب أيامي :
أو انك تجي وتبعثر أيامي , أنا مو خايف أفراقك !
أنا خايف من أحلامي , ومن ( باكر ) !
( بارد الصمت ) وكلامي , يا وطن
لو أبدّفى به ترى الواقع ( مُخيف )
كان , صوتي لو أسولف لك : حزن
كان , جسمي من عنا الغربه نحيف
الدورب أطوال .. في هذا - الزمن
كيف , أمشيها - وأنا قلبي , كفيف
ماني , المخطي وليه أدفع , ثمن !
بس خطاهم , جرح ماوقّف , نزيف
دام مو , منّك أنا ! أرجع ( لـ من )
قلب , هذا الصمت ماظنّه / نظيف
كان صدري لـ أكبر أحلامي , سجن
كيف أحققها , وأنا منّهم ( ضعيف )
شوف , هذا البرد لـ ضلوعي كفن
ما كفاك الموت وش ناوي تضيف؟
( ضاميه ) , كل المدينه , يا مزن
يا جفاف العمّر حمّلك , مو خفيف
طاحت , أوراق الاماني / ياغصن
من متى يا وقت ما غاب الخريف
قلب ينبض للضياع ( وللحزن )
كان يبكي كثر ما حلمه / عفيف
جا / يدور داخل الدنيا ( وطن )
ما لقى غير الشوارع والرصيف
