منتديات مسك الغلا | al2la.com - عرض مشاركة واحدة

**ساري الشوق** · 08-28-16, 08:10 AM

السلام عليكم ورحمة الله وبركاته

وعليكم السلام ورحمة الله وبركاته

تعريف الشخص النشبة؟
هو الشخص سهل التعرف عليه وصعب التخلص منه واذا صرفته قال مهب مشكله بتحراك >> هذا والله المشكله

عمرك حسيت بأن أحد يصرفك؟
بعض المرات بس اكشفهم >> خبره باللكاعات والتصريف ههههههه

تعرفون ترقعون ولآ مكشوفين😂🚶🏻؟
ترقيع يجي منه احيان بس حسب نوع الترقيع

اكثر شي يقهرك ..........؟
الله لايجيب القهر ان شاءالله

اخر همك في الحيآه 👋🏼؟
حسن الخاتمة

من خرافات الطفوله .....!
يوه كثير بس اذكر منها اللي براسي للحين وهي اذا اذينا جدي ودتي وامي وابوي وحنا اطفال
يروعونا بشيء اسمه ابو خيشه تراه بيجيكم ويشيل الوراعين عاد حنا حين نسمعه نندس
ونخاف >> عاد للحين ماعرف وش هو ابوخيشه هههههه

عمرك ورطت أحد بمصيبة ؟
ايام شبابنا وطيش مراهقه كان زميلي يسوق وانا ماعرف اسوق المهم وايام الاختبارات كان في الصباح
قدامنا الاشارة حمراء وقلت ادعس ورانا اختبار اعجل .. قال لا مقدر .. قلت افا يالرخمه وين الرجوله وهو
يتحمس ويقطعها >> قايل لكم طيش واخرتها حجز يومين هههههه
وبعدها اختبرت انا وياه على جيب الدورية واحجزوه عقب الاختبار هههههههه

وش كنت تكتبّ على طاولتك فالمدرسه؟.
كلمة ابو وحيد قريتها في جدار حوش جارنا ومن كثر ماكتبها على كل شيء >> صار واحد من الشباب كاتبني في جواله باسم ابو حيد هههههههه

بعد ١٠ سنوات كم بيصير عمرك ..؟
38 سنه ان الله عطانا عمر..

شيء تتمنى تكون فيه مبدع ؟
الشعر والروايات

على حسب وجهك مفروض فين تعيش ؟
ان كان على حسب وجهي فخلونا في ديرتنا الرياض وش زينها هههههههههه

شيء ما تحب احد يشاركك فيه 🌸؟
الجوال + صرافتي >> لانها من الشخصيات المهمة لدي

أكثر مشاكلك ايش سببها ✨؟
لايوجد مشاكل ان شاءالله

ثلاث أشياء جنبك الحين💛؟
كوب شاهي فاضي وجهاز مكتبي للدوام وجوالي يشحن

وش تسوي/ن الحين؟
اكتب لكم وانا التفت يم مكتب المدير لايجيني ههههههه

اي نوع انتم من اللي يصرفون او ب الوجه :
لا يوجد بس بقعد اسلك له لين الله يفرجها

كم مره انكسرت شاشه جوالك؟! "
الطيحات واجد بس يفكه الله من الكسر

شيء يخليك تبتسم؟
شخص حصلت معه مصيبه او سالفه ولايعرفها غيري وانا اطالع فيه

اُمنيه مجنونه!
الله يديم علينا نعمة الاسلام والامن اللهم امين

- لو صادفت بنت تضرب شاب في مكان عام، ردة فعلك؟
شر البلية مايضحك واكمل طريقي

لو بيدي حطيت سعاده الدنيا كلها بقلب [ ...........] ♡!!
آمي

بصراحه ترضى تتزوج وحده/واحد بنفس اخلاقك🌚😂؟؟
موجودين ان شاءالله :22:

تجربة ودّك تجرّبهاا 😇😊؟؟
قيادة الطيارة وانتم معي >> ماعليكم لاتخافون تراني حريف سواقه ههههههه

احلى اسم بنت و احلى اسم صبي ؟
الصبي .. ماجد >> اسمي

دانه .. بنتي عمرها سنتين الله يصلحها ان شاءالله

كلمة للشخص اللي يحش فيك؟🌚😂
اقول جزاك الله خير

الحلـويّن ماذا يفعلون بذا الوقت ؟
مداومين

بيني وبينكم الأسئلة مسروقه

نشكرك على الاسئلة اللذيذة
واقبلي مروري ي غلاهم