من بغى الفرقا لقـى لـه عـذر وأسباب ودليـل

خل عنـك العـذر والأسباب دام الحـب ضـاع




كان ودك بالفراق .. ابشر عسى عمـرك طويـل

لأتردد وأنت لـك كلمـه ولـك أمر ٍ مطـاع




لـي عليـك انّـك تبّـت بكلمـة ٍ تشفـي الغليـل

ولك عليّ أني لأوّقـف وقفـة الرجـل الشجـاع




لاتجاملني مخافة ( قال ) مـدري خـوف ( قيـل )

عمر ( هرج النـاس ) مايسمـن ولايغنـي جيـاع




كان قصدك ( سر حبك ) .. أوعدك لأصبح بخيـل

واحمل أسرارك معي للمـوووت قـدر المستطـاع




بس قلها... قل ما احبك ... وابشر بصبر ٍ جميل

لاتحسبأني مثل مـن طبعهـم لـوي الـذراع !




صاحبـك ماهـو كـذا ياصاحـب القـد النحـيـل

صاحبـك طبعـه غريـب وغربتـه غربـه طبـاع




في الهـوى مايقبـل الحـل الوسـط ولا القليـل

مثل ماهولاشـرى يشـري .. ليامـن بـاع بـاع




ثابت ٍ لو هـي تميـل الأرض حـدره ... مايميـل

يـدري إنالفقـر ماهـو عيـب والدنيـا مـتـاع




ماعشـق لـذّة حياتـه كثـر عشـق المستحـيـل

ولا كـره حتـى مماتـه كثـر كـره الانصياع




كم تعلّم مـن شديـد البـدو وش معنـى الرحيـل

وكم تعلّم من غروب الشمـس وش معنـى الـوداع




وكم تعلّم من سحاب الصيف وش معنـى الحصيـل

وكم تعلّم من ليـال البـرد وش معنـى الضيـاع




إيه إنا هذا طريقي ( موحش.. وصعب .. وطويل )

وأنت لامنـك تعبـت .. العالـم فجوجـه وسـاع




اعتبرنـي فـي بدايـة سكّـتـك عـابـر سبـيـل

و رح وانأقلبي معك من ويـن وجّهـت الشـراع




يكفي أني لاانذكرت فـي سالفـة عشّـاق قيـل

عاشر أحبابه شجـاع وفـارق أحبابه شجـاع